India Post GDS Recruitment 2021: पोस्टल विभागात 1421 ग्रामीण डाक सेवक पदांसाठी भरती; उमेदवार 21 एप्रिलपर्यंत करू शकतात अर्ज
Post Office (PC-Wikimedia Commons)

India Post GDS Recruitment 2021: टपाल खात्यात ग्रामीण डाक सेवक पदाची सरकारी नोकरी हवी असलेल्यांसाठी आनंदाची बातमी आहे. केरळ पोस्टल सर्कल अंतर्गत विविध पोस्ट ऑफिसमध्ये ग्रामीण डाक सेवकांच्या एकूण 1421 पदांच्या भरतीसाठी इंडियन पोस्टने अर्ज प्रक्रिया पुन्हा सुरू केली आहे. केरळ पोस्ट सर्कलमध्ये टपाल खात्याने जाहीर केलेल्या रिक्त जागांसाठी अर्ज करू इच्छिणारे उमेदवार, ग्रामीण डाक सेवक भर्ती पोर्टल, appost.in वर ऑनलाईन अर्ज भरू शकतात.

अर्ज करण्याची विंडो 15 एप्रिल 2021 रोजी उघडली आहे. उमेदवार 21 एप्रिल पर्यंत उमेदवार अर्ज करू शकतात. त्यापूर्वी, अर्ज करण्याची प्रक्रिया 8 मार्च रोजी सुरू झाली होती आणि 7 एप्रिल रोजी संपली होती. (वाचा - Eastern Coal Limited Recruitment 2021: ईस्टर्न कोल लिमिटेड मध्ये सीनियर मेडिकल ऑफिसरसह 75 पदांवर नोकर भरती, 30 एप्रिल पर्यंत करता येणार अर्ज)

भारतीय डाक विभागात ग्रामीण डाक सेवकांच्या भरतीसाठी विहित पात्रतेसाठी उमेदवाराने मान्यताप्राप्त मंडळाकडून कोणत्याही शाखेत दहावी उत्तीर्ण केलेली असावी. याव्यतिरिक्त, 8 मार्च 2021 रोजी उमेदवारांचे वय 18 वर्षांपेक्षा कमी नसावे आणि 40 वर्षांपेक्षा जास्त नसावे. तथापि, राज्यातील आरक्षित विभाग (एससी, एसटी, ओबीसी आणि इतर) च्या उमेदवारांसाठी जास्तीत जास्त वयोमर्यादेमध्ये सवलत देण्याची तरतूद करण्यात आली आहे. अधिक माहितीसाठी उमेदवारांनी भरती सूचना पहावी.

अर्ज प्रक्रिया -

ग्रामीण डाक सेवक पदांच्या अर्जाच्या प्रक्रियेमध्ये तीन टप्पे आहेत - नोंदणी, अर्ज फी भरणे आणि अर्ज सादर करणे. उमेदवारांना जीडीएस पोर्टलला भेट द्यावी लागेल आणि नंतर स्टेज 1 नोंदणीसाठी असलेल्या दुव्यावर क्लिक करावे लागेल आणि नोंदणी पृष्ठावर जावे लागेल, जेथे उमेदवारांनी मागितलेला तपशील भरून स्टेज 1 पूर्ण करू शकेल. यानंतर, स्टेज 2 मध्ये अर्ज फी 100 रुपये ऑनलाइन भरावी लागेल. यानंतर अंतिम टप्प्यातील तिसर्‍या टप्प्यात उमेदवारांना नोंदणी क्रमांकावरून लॉग इन करून अर्ज भरावा लागेल.