Suicide: खाजगी विद्यापीठात विद्यार्थ्याकडून तरुणीचा विनयभंग, नैराश्यातून मुलीने केली आत्महत्या
पोलिसांनी महिलेची ओळख वानिया असद शेख अशी केली आहे. सिद्धांत कुमार पनवार असे 20 वर्षीय आरोपीचे नाव असून त्याला शुक्रवारी अटक करून न्यायालयीन कोठडी सुनावण्यात आली.
मेरठमधील (Meerut) एका खाजगी विद्यापीठातील 19 वर्षीय विद्यार्थिनीचा शुक्रवारी संध्याकाळी मृत्यू झाला. त्याच संस्थेतील एका पुरुष विद्यार्थ्याने केलेल्या कथित विनयभंगाच्या (Molestation) प्रयत्नानंतर तिने संस्थेच्या चौथ्या मजल्यावरून उडी मारल्याच्या दोन दिवसानंतर तिने हे पाऊल उचलले. पोलिसांनी महिलेची ओळख वानिया असद शेख अशी केली आहे. सिद्धांत कुमार पनवार असे 20 वर्षीय आरोपीचे नाव असून त्याला शुक्रवारी अटक करून न्यायालयीन कोठडी सुनावण्यात आली. वानियाच्या पार्थिवावर शनिवारी अंत्यसंस्कार करण्यात आले, अशी माहिती पोलिसांनी दिली. ती बॅचलर ऑफ डेंटल सर्जरीची (BDS) विद्यार्थिनी असल्याचे पोलिसांनी सांगितले.
आरोपीने तिचा विनयभंग करण्याचा प्रयत्न केला आणि तिने प्रतिकार केला तेव्हा त्याने इतर काही विद्यार्थ्यांच्या उपस्थितीत तिला दोनदा चापट मारली. अपमानित होऊन तिने टोकाचे पाऊल उचलले, असे महिलेच्या वडिलांनी दाखल केलेल्या तक्रारीच्या आधारे नोंदवलेले एफआयआर सांगितले. अटक करण्यात आलेल्या आरोपीवर आत्महत्येस प्रवृत्त केल्याचा गुन्हा दाखल करण्यात आला आहे. हेही वाचा Crime: मोबाईल चोरल्याच्या संशयावरून नऊ वर्षांच्या मुलासोबत अमानवी कृत्य, बराच वेळ विहिरीत ठेवले लटकवून
त्याला न्यायालयात हजर करण्यात आले आणि त्याला 14 दिवसांची न्यायालयीन कोठडी सुनावण्यात आली, असे मेरठचे पोलीस अधीक्षक (ग्रामीण) केशव कुमार यांनी सांगितले. माझी मुलगी गुणवंत विद्यार्थिनी होती. आरोपींना जास्तीत जास्त वर्षांपर्यंत कठोर शिक्षा व्हावी, अशी आमची इच्छा आहे, असे वानियाचे वडील असद शेख यांनी शनिवारी सांगितले.
(The above story first appeared on LatestLY on Oct 23, 2022 06:07 PM IST. For more news and updates on politics, world, sports, entertainment and lifestyle, log on to our website latestly.com).
