Crime: 29 वर्षीय महिलेवर परिसरात राहणाऱ्या एका व्यक्तीने केला बलात्कार, आरोपीचा शोध सुरू
एका 29 वर्षीय महिलेवर तिच्या परिसरात राहणाऱ्या एका व्यक्तीने कथितरित्या बलात्कार केल्याची माहिती पोलिसांनी मंगळवारी दिली. आरोपी फरार असतानाही महिलेच्या तक्रारीच्या आधारे मंगळवारी भोंडसी पोलिस ठाण्यात एफआयआर नोंदवण्यात आला, असे त्यांनी सांगितले.
एका 29 वर्षीय महिलेवर तिच्या परिसरात राहणाऱ्या एका व्यक्तीने कथितरित्या बलात्कार (Rape) केल्याची माहिती पोलिसांनी मंगळवारी दिली. आरोपी फरार असतानाही महिलेच्या तक्रारीच्या आधारे मंगळवारी भोंडसी पोलिस ठाण्यात (Bhondsi Police Station) एफआयआर नोंदवण्यात आला, असे त्यांनी सांगितले. या महिलेला दोन मुले आहेत, सोमवारी घटनेच्या वेळी ती घरी एकटीच होती. कारण तिचा पती ड्युटीवर गेला होता आणि मुले शाळेत होती, असे तिने दिलेल्या फिर्यादीत म्हटले आहे. सोनू असे आरोपीचे नाव असून तो तिच्या घरी आला आणि महिलेला तिच्या पतीबद्दल विचारणा केली. ती गेटवर असताना, त्याने तिला जबरदस्तीने घरात नेले. पोलिसांनी एफआयआरचा हवाला देत सांगितले.
त्याने महिलेवर बलात्कार केल्याचा आरोप केला आणि जाण्यापूर्वी, तिने ही घटना कोणाला सांगितल्यास तिला आणि तिच्या कुटुंबियांना जीवे मारण्याची धमकी दिली, असे त्यांनी सांगितले. पती घरी परतल्यावर महिलेने तिच्या त्रासाची कथन केली, त्यानंतर त्यांनी पोलिसांकडे धाव घेतली. पोलिसांनी महिलेला वैद्यकीय तपासणीसाठी रुग्णालयात दाखल केले, ज्यात तिच्यावर बलात्कार झाल्याची पुष्टी झाली. हेही वाचा प्रसारण मंत्रालयाकडून 22 YouTube चॅनल ब्लॉक, भारताची राष्ट्रीय सुरक्षा, परराष्ट्र संबंध यांबाबत चुकीचे वृत्त दिल्याने कारवाई
भारतीय दंड संहिता कलम 376 (बलात्कार) आणि 506 (गुन्हेगारी धमकी) अंतर्गत एफआयआर नोंदवण्यात आला आहे, असे भोंडसी पोलिस स्टेशनचे स्टेशन हाउस ऑफिसर (SHO) इन्स्पेक्टर देविंदर कुमार यांनी सांगितले. आरोपी अद्याप फरार असून त्याला पकडण्याचे प्रयत्न सुरू असल्याचे एसएचओने सांगितले.
(The above story first appeared on LatestLY on Apr 05, 2022 11:17 PM IST. For more news and updates on politics, world, sports, entertainment and lifestyle, log on to our website latestly.com).
