Raj Kapoor Biopic: राज कपूरच्या बायोपिकवर रणबीर कपूरचं वक्तव्य, म्हणाला- 'हा खूप कठीण बायोपिक असेल'

Raj Kapoor Biopic: प्रसिद्ध अभिनेता रणबीर कपूर याने भारतीय चित्रपटसृष्टीतील 'ग्रेटेस्ट शोमॅन' म्हणून ओळखल्या जाणाऱ्या राज कपूर यांच्या जीवनावर आधारित बायोपिकबाबत त्यांचे विचार शेअर केले आहेत. अलीकडेच गोव्यात झालेल्या ५५व्या आंतरराष्ट्रीय चित्रपट महोत्सवादरम्यान (इफ्फी) रणबीरला विचारण्यात आले की, तो त्याचे आजोबा राज कपूर यांच्यावर चित्रपट बनवण्याचा विचार करत आहे का? यावर रणबीर म्हणाला, “मी यावर खूप विचार केला आहे आणि संजय लीला भन्साळींसह अनेक चित्रपट दिग्दर्शकांशी चर्चाही केली आहे. बायोपिकमध्ये केवळ त्यांचे यश दाखवणे पुरेसे नाही. चित्रपटात त्यांच्या जीवनातील संघर्ष, अडचणी आणि नातेसंबंधातील गुंतागुंत यांचाही समावेश असणे आवश्यक आहे.

हा खूप कठीण बायोपिक असेल. मला माहित नाही की, माझे कुटुंब हे मान्य करतील की नाही (चित्रपटात ज्या गोष्टी दाखवायच्या आहेत). पण बनवल्यास तो एक उत्तम चित्रपट ठरेल.” असे  रणबीर कपूरने सांगितले आहे.