KGF 3 Teaser: यश-स्टारर अॅक्शन चित्रपट 'केजीएफ 3' चा टीझर रिलीज, Watch Video
होंबळे फिल्म्सने त्यांच्या ट्विटर हँडलवर यशच्या अॅक्शन फिल्मचा पहिला टीझर रिलीज करून KGF चॅप्टर 3 बद्दलच्या अफवांना पुष्टी दिली आहे.
KGF 3 Teaser: गेल्या वर्षी 14 एप्रिल रोजी, यश, रवीना टंडन आणि संजय दत्त यांच्या प्रमुख भूमिका असलेला KGF 2 हा यशस्वी चित्रपट प्रशांत नील यांनी प्रदर्शित केला. एक वर्षानंतर, त्याच्या वर्धापनदिनानिमित्त, निर्मात्यांनी एक टीझर जारी केला आणि सोशल मीडियावर KGF 3 ची घोषणा केली. चाहत्यांनी या चित्रपटाच्या टीझरला प्रतिसाद दिला असून आता चाहते चित्रपटाची आतुरतेने वाट पाहत आहेत. KGF 3 चा टिझर प्रदर्शित झाल्यानंतर ट्विटरवर #KGF3 ट्रेंड होत आहे. चाहते या चित्रपटासाठी अत्यंत उत्सुक आहेत.
होंबळे फिल्म्सने त्यांच्या ट्विटर हँडलवर यशच्या अॅक्शन फिल्मचा पहिला टीझर रिलीज करून KGF चॅप्टर 3 बद्दलच्या अफवांना पुष्टी दिली आहे. या भागात रॉकी भाई 1978-1981 मध्ये कोठे होता ते सांगण्यात येणार आहे. प्रॉडक्शन कंपनीने आधीच्या भागाचे जागतिक यश देखील साजरे केले आहे. परंतु KGF चॅप्टर 3 साठी अद्याप कोणतीही अधिकृत प्रकाशन तारीख जाहीर करण्यात आलेली नाही. (हेही वाचा - Most Influential People in 2023: जगातील सर्वात प्रभावशाली व्यक्तींमध्ये राजामौली आणि शाहरुख खानचा समावेश; टाईम मासिकाने जाहीर केली 100 लोकांची यादी)
या टीझरवरून असं दिसून येत आहे की, प्रशांत नील KGF: अध्याय 3 साठी तयारी करत आहे. क्लायमॅक्स सीनमध्ये रॉकीला समुद्रात बुडताना पाहून प्रत्येक चाहत्याला रॉकीचं पुढं काय झालं असा प्रश्न पडला आहे. सोशल मीडियापासून ते इंटरनेट जगतात, लोक रॉकीच्या जगण्याची आणि KGF-3 च्या कथानकाबाबत त्यांच्या शक्यता व्यक्त करत आहेत. मात्र, शुक्रवारी, चित्रपटाला एक वर्ष पूर्ण झाल्यामुळे, निर्मात्यांनी 2 मिनिटांच्या व्हिडिओमधून केजीएफ 3 चा टीझर रिलीज केला आहे. ज्यामुळे रॉकीबद्दल जाणून घ्यायची प्रेक्षकांनी उत्सुकता शिगेला पोहचली आहे.
The most powerful promise kept by the most powerful man 💥
KGF 2 took us on an epic journey with unforgettable characters and action. A global celebration of cinema, breaking records, and winning hearts. Here's to another year of great storytelling! #KGFChapter2#Yash… pic.twitter.com/iykI7cLOZZ
— Hombale Films (@hombalefilms) April 14, 2023
दरम्यान, काही रिपोर्ट्सनुसार KGF 3 चे शूटिंग 2025 मध्ये सुरू होईल. यशचा हा 19 वा चित्रपट असेल. 14 एप्रिल 2022 रोजी रिलीज झालेल्या 'KGF: Chapter 2' ने बॉक्स ऑफिसवर धुमाकूळ घातला होता. 168 मिनिटांच्या या चित्रपटाने प्रेक्षकांना इतके मंत्रमुग्ध केले की, जगभरातील चित्रपटाने 1250 कोटी रुपयांचे कलेक्शन केले.
(The above story first appeared on LatestLY on Apr 15, 2023 01:18 PM IST. For more news and updates on politics, world, sports, entertainment and lifestyle, log on to our website latestly.com).
