Indian Entertainment Tweet 2021: साऊथ सुपरस्टार विजयच्या 'Beast' चित्रपटाचे ट्वीट ठरले या वर्षातील Top Entertainment Tweet

ट्विटर (Twitter) हे भारतातील (India) सर्वाधिक वापरल्या जाणार्‍या सोशल मीडिया प्लॅटफॉर्मपैकी एक आहे. या व्यासपीठाच्या माध्यमातून देशातील मोठ्या व्यक्ती लोकांशी संवाद साधतात किंवा त्यांचे कार्य पोहोचवतात. ट्विटरने नुकतेच एक सर्वेक्षण प्रसिद्ध केले आहे जे सांगते की या वर्षातील सर्वात जास्त आवडलेल्या, रिट्विट केलेल्या पोस्ट कोणत्या आहेत. या सर्वेक्षणात प्रत्येक वर्गातील आणि प्रत्येक विषयातील लोकांना ठेवण्यात आले आहे. मनोरंजन विश्वातही हे सर्वेक्षण करण्यात आले आणि यावर्षी सर्वांना मागे टाकत विजयच्या चित्रपटाशी संबंधित एक पोस्ट या वर्षातील टॉप एंटरटेनमेंट ट्विट (Top Entertainment Tweet) बनली आहे. ट्विटरने जारी केलेल्या या वर्षातील टॉप ट्विटच्या यादीमध्ये, क्रीडा, राजकारण, मनोरंजन आणि व्यवसाय इत्यादींशी संबंधित टॉप ट्विटची यादी जाहीर करण्यात आली आहे. यामध्ये साऊथचा सुपरस्टार विजय (South Superstar Vijay) याने केलेले ट्विट मनोरंजनाशी संबंधित सर्वेमध्ये बॉलिवूडच्या सर्व सेलिब्रिटींना मागे टाकत टॉप ट्विटसाठी निवडले गेले आहे.

Tweet

#Beast pic.twitter.com/VgMlmH1Gno

— Vijay (@actorvijay) June 21, 2021

विजयने 21 जून 2021 रोजी संध्याकाळी 6 वाजता त्याच्या आगामी चित्रपटाचा फर्स्ट लुक शेअर केला. ज्यामध्ये विजय हातात बंदूक घेऊन काळी पँट आणि पांढऱ्या रंगाची बनियान घातलेला दिसत आहे. फक्त 'बीस्ट' असे लिहून त्याने हे पोस्टर आपल्या ट्विटरवर शेअर केले आहे. हे या वर्षातील टॉप ट्विट ठरले आहे. (हे ही वाचा श्रेयस तळपदे बनला अल्लू अर्जूनचा आवाज, अभिनेत्याने शेअर केला 'Pushpa The Rise' चा हिंदीतील ट्रेलर.)

महेश बाबू यांची पोस्ट सर्वाधिक रिट्विट केलेली ट्विट ठरली

या फर्स्ट लूक पोस्टरसह ट्विट या वर्षातील सर्वाधिक रिट्विट केलेल्या ट्विटच्या श्रेणीमध्ये शीर्षस्थानी आहे. हे ट्विट आतापर्यंत 140,000 पेक्षा जास्त वेळा रिट्विट झाले आहे. यासोबतच ते सर्वाधिक लाइक केलेले ट्विटही बनले आहे. त्याला 344,000 लाईक्स मिळाले आहेत. दुसरीकडे, दाक्षिणात्य अभिनेते महेश बाबू यांच्या चित्रपटाशी संबंधित एक पोस्ट, ज्यामध्ये त्यांनी त्यांच्या 'सरकारू वारी पाता' या चित्रपटाच्या कामाच्या सुरूवातीची माहिती दिली होती, सर्वाधिक कोट केलेल्या ट्विटच्या श्रेणीमध्ये सर्वात या वर्षाच्या वरच्या स्थानावर आहे.

Tweet

Taking off on this whole new journey of action and entertainment! Join us this Sankranthi! :) #SVPFirstNotice @KeerthyOfficial @ParasuramPetla @madhie1 @MusicThaman @MythriOfficial @GMBents @14ReelsPlus #SarkaruVaariPaata pic.twitter.com/so7pWW1ShP

— Mahesh Babu (@urstrulyMahesh) July 31, 2021

ट्विटरवर साऊथ स्टार्सचा जलवा

या सर्वेक्षणात दोन दाक्षिणात्य सुपरस्टार महेश बाबू आणि विजय यांच्या ट्विटची उपस्थिती सोशल मीडियावर त्यांची किती लोकप्रियता आहे हे दर्शवते. केवळ या वर्षीच नाही तर गेल्या वर्षी देखील विजयने एक सेल्फी शेअर केला होता जो सर्वाधिक रिट्विट केलेल्या पोस्टच्या श्रेणीत सर्वात वरचा होता. विजयने सलग दुसऱ्या वर्षी ही कामगिरी केली आहे. दक्षिणेसह देशभरात त्यांची लोकप्रियता आहे.

(The above story first appeared on LatestLY on Dec 09, 2021 07:13 PM IST. For more news and updates on politics, world, sports, entertainment and lifestyle, log on to our website latestly.com).