RRR Box Office Collection: राजामौलींच्या 'RRR'ने तोडले सर्व रेकॉर्ड; जागतिक बॉक्स ऑफिसवर केली 1000 कोटींची कमाई

RRR Box Office Collection: दिग्दर्शक राजामौली यांचा बहुचर्चित चित्रपट RRR ने बॉक्स ऑफिसवर आपल्या दमदार कमाईने धुमाकूळ घातला आहे. या चित्रपटाने जगभरात 1000 कोटींहून अधिक कमाई करत नवा विक्रम केला आहे. या सुपरहिट चित्रपटात राम चरण, ज्युनियर एनटीआर, आलिया भट्ट आणि अजय देवगन यांच्या भूमिका आहेत. आतापर्यंत केवळ 'दंगल' आणि 'बाहुबली 2: द कन्क्लूजन' या दोनच चित्रपटांनी जागतिक स्तरावर 1000 कोटींचा टप्पा ओलांडला आहे.

एपिक अॅक्शन ड्रामा चित्रपटाने शुक्रवारी 5 कोटींची कमाई केली. हा देखील एक विक्रम आहे. कोरोना महामारीनंतर तिसऱ्या आठवड्यात कोणत्याही चित्रपटाचे हे सर्वात मोठे कलेक्शन आहे. RRR ने अलीकडेच सलमान खानच्या बजरंगी भाईजान आणि आमिर खानच्या सिक्रेट सुपरस्टारला मागे टाकून आतापर्यंतचा तिसरा सर्वाधिक कमाई करणारा भारतीय चित्रपट बनला आहे. (हेही वाचा - Brahmastra चित्रपटाचे नवीन पोस्टर रिलीज; पहा Alia Bhatt आणि Ranbir Kapoor चा रोमँटिक अंदाज)

SS Rajamouli's 'RRR' breaks records, grosses Rs 1000 crore at the global box office

Read @ANI Story | https://t.co/9ZQOWPg4fg#RRR #SSRajamouli #RamCharan #RRR1000 #JrNTR pic.twitter.com/pOIWCQjS73

— ANI Digital (@ani_digital) April 10, 2022

बॉक्स ऑफिस इंडियाच्या अहवालानुसार, "आरआरआर (हिंदी) अजूनही 'द काश्मीर फाइल्स'च्या आकड्यांना मागे टाकण्याच्या शर्यतीत आहे. कारण तिसरा शुक्रवार पुन्हा आला आहे. या चित्रपटाने एकूण 221 कोटींहून अधिक कमाई केली आहे. यश स्टारर 'KGF 2' या आठवड्यात रिलीज होणार आहे. त्यामुळे RRR कलेक्शनवर मोठा परिणाम होऊ शकतो.

'RRR' GROSSES 1000 CR WORLDWIDE... #SSRajamouli does it again... Brings back the glory of #Indian cinema... #RRR Gross BOC: ₹ 1000 cr [Worldwide]... #JrNTR and #RamCharan debut in ₹ 1000 cr Club... #Xclusiv OFFICIAL ANNOUNCEMENT POSTER... pic.twitter.com/MOJWKhrivp

— taran adarsh (@taran_adarsh) April 10, 2022

'RRR' हा या वर्षातील मोस्ट अवेटेड चित्रपटांपैकी एक आहे. हा चित्रपट एकाच वेळी अनेक भाषांमध्ये प्रदर्शित झाला. हा चित्रपट 20 व्या शतकाच्या सुरुवातीला दोन स्वातंत्र्यसैनिकांच्या जीवनावर आधारित आहे. हा चित्रपट भारतीय बॉक्स ऑफिसवर 100 कोटींच्या क्लबमध्ये प्रवेश करणाऱ्या सर्वात जलद चित्रपटांपैकी एक आहे.

(The above story first appeared on LatestLY on Apr 10, 2022 05:07 PM IST. For more news and updates on politics, world, sports, entertainment and lifestyle, log on to our website latestly.com).