Rocket attack | Image Used For Representational purpose Only | Photo Credits: Pixabay.com)

रशियाच्या (Russia) हल्ल्याबाबत युक्रेनकडून (Ukraine) मोठा दावा करण्यात आला आहे. युक्रेनच्या स्वातंत्र्यदिनानिमित्त रशियाने येथील रेल्वे स्थानकावर रॉकेट हल्ला (Rocket attack) केला असून त्यात 22 जणांचा मृत्यू झाल्याचा दावा केला आहे. या हल्ल्यात 50 जण जखमीही झाले आहेत. खुद्द युक्रेनचे राष्ट्राध्यक्ष झेलेन्स्की (President Zelensky) यांनी ही माहिती दिली आहे. 24 ऑगस्टला म्हणजेच युक्रेनच्या स्वातंत्र्यदिनी रशिया मोठा हल्ला करू शकतो, असा दावा अमेरिकेच्या सुरक्षा यंत्रणांकडून काही दिवसांपूर्वी करण्यात आला होता. युक्रेनमध्येच अशी तयारी केली होती की, रशियाकडून मोठा हल्ला झाला तर. त्याचे उत्तर दिले पाहिजे.

युक्रेनच्या वृत्तसंस्थांनी सांगितले की, राष्ट्राध्यक्ष झेलेन्स्की यांनी या हल्ल्याबाबत व्हिडिओद्वारे संयुक्त राष्ट्र सुरक्षा परिषदेला माहिती दिली. त्यांनी सांगितले की, हा प्राणघातक हल्ला निप्रोपेत्रोव्स्क प्रदेशातील चॅपल्ने शहरात झाला. शहराची लोकसंख्या सुमारे 3,500 आहे. रशिया आणि युक्रेनमध्ये गेल्या सहा महिन्यांपासून युद्ध सुरू आहे. हेही वाचा तीन वर्षाच्या मुलीला ठरवले मृत, अंत्यसंस्कारावेळी बसली उठून

दरम्यान, काल म्हणजेच 24 ऑगस्ट रोजी युक्रेनने 31 वा स्वातंत्र्यदिन साजरा केला.  24 ऑगस्ट 1991 रोजी युक्रेन सोव्हिएत युनियनपासून स्वतंत्र राष्ट्र बनले. आज युक्रेनचा स्वातंत्र्यदिन आहे. दरवर्षी हा दिवस थाटामाटात साजरा केला जातो, परंतु यावेळी उत्सवाऐवजी युक्रेनियन लोकांच्या मनात दहशत पसरली आहे.

राष्ट्राध्यक्ष वोलोडिमिर झेलेन्स्की यांना भीती वाटते की या दिवशी रशिया काहीतरी भयंकर करू शकतो. या दिवशी 24 फेब्रुवारी रोजी रशियाने युक्रेनवर आक्रमण केले. या दृष्टीनेही हा महत्त्वाचा दिवस आहे कारण आज युक्रेनवर रशियाच्या आक्रमणाला सहा महिने पूर्ण होत आहेत.