Google Meet मध्ये आणखी एका खास फिचर्सची भर; आता पूर्ण HD क्वालिटीत रेकॉर्ड करता येणार व्हिडिओ
Google Meet (PC - wikimedia commons)

Google Meet New Feature: तुम्ही गुगल मीट (Google Meet) वापरत असाल तर ही माहिती तुमच्यासाठी अत्यंत महत्त्वाची आहे. Google Meet ने आपल्या वापरकर्त्यांसाठी एक नवीन अपडेट जारी केले आहे. कंपनीने Google Meet साठी रेकॉर्ड केलेल्या मीटिंगची गुणवत्ता सुधारली आहे. आता गुगल मीटवर पूर्ण HD क्वालिटीत व्हिडिओ रेकॉर्ड करता येणार आहे.

रेकॉर्ड केलेल्या मीटिंगसाठी 720p व्हिडिओ गुणवत्ता उपलब्ध होती. मात्र, आता ही गुणवत्ता 1080p पर्यंत वाढविण्यात आले आहे. वास्तविक, यापूर्वी अनेक Google Meet वापरकर्त्यांना रेकॉर्ड केलेल्या मीटिंगच्या गुणवत्तेबाबत समस्या येत होत्या. बऱ्याच प्रसंगी, सादरीकरणासाठी आणि भविष्यातील संदर्भासाठी रेकॉर्ड केलेल्या मिटिंग आवश्यक असतात. (हेही वाचा -No Charges For Multiple SIMs: एका फोनमध्ये 2 सिम कार्ड वापरण्यासाठी कोणतेही शुल्क भरावे लागणार नाही; TRAI ने फेटाळून लावल्या सर्व अफवा)

गुगल मीटदरम्यान, वापरकर्त्याला अधिक स्पष्ट व्हिज्युअल आणि वाचनीय सामग्रीची आवश्यकता असते. आता या अपडेटसह, 1080p कॅमेरे असलेल्या उपकरणांना फुल एचडी व्हिडिओ सपोर्टची सुविधा मिळणार आहे. त्यामुळे आता मीटिंगमधील सहभागी HD कॅमेरे असलेल्या उपकरणांसह स्पष्ट व्हिडिओ कॉल करण्यास सक्षम असतील.

नवीन वैशिष्ट्य कसे कार्य करणार -

  • Google Meet चे नवीन वैशिष्ट्य बाय डीफॉल्ट सक्षम केले जाईल. याशिवाय, सेटिंग मेनूमध्ये हे वैशिष्ट्य तपासले जाऊ शकते. रेकॉर्डिंग सक्षम असतानाही HD व्हिडिओ ट्रान्समिशन वैशिष्ट्य कार्य करेल.
  • याव्यतिरिक्त, मीटिंगमधील दुसऱ्या सहभागीने वापरकर्त्याच्या फीडवर 1080p पिन केल्यास HD व्हिडिओ ट्रान्समिशन उपलब्ध होईल.

गुगलच्या या व्हिडिओ कॉन्फरन्सिंग ॲपवर ॲडॅप्टिव्ह ऑडिओ फीचरची सुविधा नुकतीच सुरू करण्यात आली आहे. अडॅप्टिव्ह ऑडिओ वैशिष्ट्यासह ऑडिओ प्रवाह व्यवस्थापित करते.