बीसीसीआय (Photo Credits: IANS)

क्रिकेटप्रेमींसाठी एक आनंदाची बातमी आहे. रणजी ट्रॉफीच्या (Ranji Trophy) वेळापत्रकानंतर ज्या शहरांमध्ये सामने होणार आहेत त्यांची नावेही समोर आली आहेत. रणजी ट्रॉफीचा पहिला टप्पा 10 फेब्रुवारी ते 15 मार्च दरम्यान खेळवला जाईल, तर इंडियन प्रीमियर लीगचा (IPL) पुढील टप्पा 30 मे ते 26 जून या कालावधीत खेळवला जाईल. भारतीय क्रिकेट नियामक मंडळाचे (BCCI) सचिव जय शहा (Jay Shah) यांनी गुरुवारी राज्य घटकांना ही माहिती दिली. शाह यांच्या पत्रावरून हे स्पष्ट झाले आहे की हा सर्वात लहान प्रथम श्रेणी हंगामांपैकी एक असेल ज्यामध्ये बहुतेक संघ फक्त तीन सामने खेळतील. म्हणजेच ग्रुप लीग स्टेजमधून बाहेर पडलेल्या टीमला वाढीव मॅच फीचा फारसा फायदा मिळणार नाही.

प्रत्येकी चार संघांचे आठ एलिट गट तयार केले जातील तर उर्वरित सहा संघांना प्लेट विभागात स्थान मिळेल. स्पर्धेदरम्यान 62 दिवसांत 64 सामने खेळवले जाणार आहेत. पहिल्या टप्प्यात 57 सामने होणार आहेत. दुस-या टप्प्यात चार उपांत्यपूर्व फेरी, दोन उपांत्य फेरी आणि एक अंतिम फेरीचे सात बाद सामने असतील. एलिट गटातील सामने राजकोट, कटक, चेन्नई, अहमदाबाद, त्रिवेंद्रम, दिल्ली, हरियाणा आणि गुवाहाटी येथे होणार आहेत. प्लेट लीगचे सामने कोलकातामध्ये होणार आहेत. हेही वाचा IND vs WI ODI Series: कोरोना पॉझिटिव्ह आल्यानंतर शिखर धवनने सोशल मीडियावर शेअर केली पोस्ट, तब्येतीचा दिला अपडेट (See Post)

2020-21 चा हंगाम कोरोना व्हायरसमुळे होऊ शकला नाही. यावर्षी ही स्पर्धा 13 जानेवारीपासून आयोजित केली जाणार होती, परंतु बंगाल संघाच्या बायो-बबलमध्ये अनेक खेळाडूंना कोरोनाची लागण झाली. यानंतर बोर्डाने स्पर्धा पुढे ढकलण्याचा निर्णय घेतला होता. आता या प्रतिष्ठेच्या स्पर्धेचे पुन्हा आयोजन होत आहे ही खेळाडूंसाठी आनंदाची बाब आहे.