44th Chess Olympiad Mascot: चेन्नई येथे 28 जुलै ते 10 ऑगस्ट दरम्यान होणार 44 वा बुद्धिबळ ऑलिंपियाड; जाणून घ्या कोण आहे स्पर्धेचा मॅस्कॉट 'Thambi'
एकूण 187 देश आणि 343 संघ या स्पर्धेत भाग घेत आहेत. खुल्या विभागात 189 संघ आणि महिला विभागात 154 संघांची नोंदणी केली आहे.
- Read in
- मराठी
चेन्नई येथे यंदाचा 44 वा बुद्धिबळ ऑलिम्पियाड होणार आहे. बुद्धिबळ ऑलिम्पियाड ही द्विवार्षिक बुद्धिबळ स्पर्धा आहे ज्यामध्ये अनेक राष्ट्रे एकमेकांविरुद्ध स्पर्धा करतात. इंटरनॅशनल चेस फेडरेशन (FIDE) या स्पर्धेचे आयोजन करते आणि यजमान राष्ट्र निवडते. परंतु गेल्या दोन वर्षांपासून, कोविड-19 मुळे ही स्पर्धा ऑनलाइन होत होती. या वर्षी, भारत देशाच्या इतिहासात प्रथमच या कार्यक्रमाचे आयोजन करणार आहे. रशियाकडून यजमानपद हिसकावून घेतल्यानंतर आता 44 वे बुद्धिबळ ऑलिम्पियाड यंदा चेन्नई येथे होणार आहे. युक्रेनवरील हल्ल्यामुळे रशियाकडून होस्टिंग हिसकावण्यात आले. चेस ऑलिम्पियाड 2022 चेन्नई येथे 28 जुलै ते 10 ऑगस्ट दरम्यान होणार आहे. एकूण 187 देश आणि 343 संघ या स्पर्धेत भाग घेत आहेत. खुल्या विभागात 189 संघ आणि महिला विभागात 154 संघांची नोंदणी केली आहे. आता या स्पर्धेचा अधिकृत शुभंकर (Mascot) म्हणून 'थांबी' (तमिळमध्ये धाकटा भाऊ) नावाचा तपकिरी घोडा घोषित केला आहे.
याआधी तामिळनाडूचे मुख्यमंत्री एमके स्टॅलिन यांनी एका कार्यक्रमादरम्यान या 44 व्या बुद्धिबळ ऑलिम्पियाडचे अधिकृत शुभंकर आणि लोगो लॉन्च केले. शुभंकर 'थांबी' हा पारंपारिक तमिळ पोशाख वेस्ती (धोती) आणि शर्ट परिधान केलेला शूरवीर आहे आणि तो हात जोडून उभा आहे. हा शुभंकर तामिळ अभिवादन 'वनक्कम' चा संदर्भ देतो. त्याच्या शर्टवर 'चेस बिलीव्ह' असा शब्द लिहिलेला आहे.
44th Chess Olympiad Mascot: All You Need to Know About 'Thambi' Ahead Of 2022 FIDE Event in Chennai#ChessOlympiad2022 #Thambi #ChessChennai2022 @FIDE_chess @chennaichess22https://t.co/RXa0dNLTSf
— LatestLY (@latestly) July 26, 2022
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 26, 2022 04:51 PM IST. For more news and updates on politics, world, sports, entertainment and lifestyle, log on to our website latestly.com).
