एबी डिव्हिलियर्स-विराट कोहली (Photo Credit: Twitter)

भारतीय कर्णधार विराट कोहली (Virat Kohli) आणि दक्षिण आफ्रिकेचा माजी खेळाडू एबी डिव्हिलियर्स (AB de Villiers) यांनी कोरोना व्हायरसच्या (Coronavirus) लढाईत एकत्र काम करण्याचा निर्णय घेतला आहे. शुक्रवारी विराट आणि डिव्हिलियर्सनी इन्स्टाग्राम लाइव्ह चॅट सत्रा दरम्यान आपल्या बॅट्स, ग्लोव्हज आणि रॉयल चॅलेंजर्स बेंगलोर (Royal Challengers Bangalore) ) ग्रीन जर्सींचा लिलाव करणार करण्याचे उघड केले. यापूर्वी कोरोना विषाणूविरूद्ध लढण्यासाठी अज्ञात रुपयांची देणगी दिली होती. शुक्रवारी डिव्हिलियर्स आणि विराटने बर्‍याच मुद्द्यांवर चर्चा केली, ज्यात त्यांनी कोरोनाचा प्रसार टाळण्यासाठी लॉकडाउनचे अनुसरण करण्याचे आवाहनही केले. विराट आणि डिव्हिलियर्सने 2016 आयपीएलच्या संस्मरणीय सामन्याचे ग्लोव्हज आणि बॅटचा लिलाव करण्याचा निर्णय घेतला. लिलावात मिळणारी रक्कम दोन्ही देशांत कोरोना विषाणूविरूद्ध लढाईत दान केली जाईल. 2016 आयपीएलमध्ये गुजरात लायन्सविरुद्ध खेळल्या गेलेल्या ग्रीन जर्सी सामन्यात विराटने 109 आणि डिव्हिलियर्सने नाबाद 129 धावा केल्या होत्या. या सामन्यात दोघांनी 229 धावांची भागीदारी केली होती. आयपीएल इतिहासातील ही सर्वात मोठी भागीदारी आहे. (Lockdown: कोरोना संकट काळात गौतम गंभीर याने मांडले मानवतेचे उदाहरण, लॉकडाउनमध्ये घरी काम करणाऱ्या महिलेवर केले अंत्यसंस्कार)

कोहली आपला ग्लोव्हज आणि बॅट देईल तर डिव्हिलियर्स  दक्षिण आफ्रिकेच्या वेबसाइटवर लिलावासाठी आपलीविराटने स्वाक्षरी केलेली जर्सी, ग्लोव्ह्ज आणि सामन्याची बॅट ऑनलाईन लिलावासाठी देईल. यातून मिळणारी रक्कम डीव्हिलियर्स फाऊंडेशनकडे जाईल आणि भारत-दक्षिण आफ्रिकेतील कोरोनाच्या युद्धात लोकांच्या मदतीसाठी याचा वापर केला जाईल. आरसीबी टीम दरवर्षी घरच्या सामन्यात ग्रीन जर्सी घालून 'गो ग्रीन' अभियानास समर्थन देते. "आम्ही एकत्र काही चांगल्या खेळी केल्या आहेत, हे मी कधीही विसरणार नाही. 2016 गुजरात लायन्सविरुद्धची एक विशेष खेळी मला आठवते. "डीव्हिलियर्सने विराटला सांगितले.

कोविड-19 च्या प्रसारामुळे जगभरात क्रीडा स्पर्धा ठप्प झाल्या आहेत. कोहली आणि डिव्हिलियर्स या दोघांनीही कबूल केले की जगभरातील वंचितांवर या महामारीचा सर्वात मोठा परिणाम झाला आहे.