Teacher Viral Video: उत्तर प्रदेशातील कनौज जिल्ह्यातून शिक्षकी पेशाला काळीमा फासणारी एक धक्कादायक घटना समोर आली आहे. येथील एका सरकारी प्राथमिक शाळेत लहान विद्यार्थ्यांसमोरच शिक्षक आणि शिक्षिकेचा वर्गात रोमान्स सुरू असल्याचा कथित व्हिडिओ सोशल मीडियावर मोठ्या प्रमाणात व्हायरल होत आहे. या प्रकारामुळे शिक्षण क्षेत्रात तीव्र संताप व्यक्त केला जात असून, शिक्षण विभागाने या प्रकरणाची गंभीर दखल घेत तात्काळ चौकशी सुरू केली आहे.

पत्नीने हिडन कॅमेरा लावून उघड केले गुपित

मिळालेल्या माहितीनुसार, संबंधित शिक्षकाच्या वर्तनावर त्याच्या पत्नीला बऱ्याच दिवसांपासून संशय होता. हा संशय खरा ठरवण्यासाठी पत्नीने थेट प्राथमिक शाळेच्या वर्गखोलीत गुप्तपणे एक हिडन कॅमेरा बसवला. या कॅमेऱ्यामध्ये तो शिक्षक वर्गातीलच एका महिला शिक्षिकेसोबत आक्षेपार्ह अवस्थेत कैद झाला. वर्गात शिकत असलेल्या लहान मुलांसमोरच हे दोन्ही शिक्षक अशा कृत्यांमध्ये गुंतले असल्याचे या व्हिडिओमध्ये स्पष्टपणे दिसून येत आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)