IND vs ENG, T20I Series 2025: टी-20 आंतरराष्ट्रीय मालिकेत टीम इंडिया आणि इंग्लंडची एकमेकांविरुद्ध अशी आहे कामगिरी, दोन्ही संघांच्या आकडेवारीवर एक नजर
भारत विरुद्ध इंग्लडं मालिकेतील पहिला सामना कोलकात्यातील ईडन गार्डन्स स्टेडियमवर खेळला जाईल. या मालिकेत टीम इंडियाचे नेतृत्व सूर्यकुमार यादव करणार आहे, तर जोस बटलरच्या नेतृत्वाखालील इंग्लंडचा संघ कठीण आव्हान देण्याचा प्रयत्न करेल.
India National Cricket Team vs England National Cricket Team: भारतीय राष्ट्रीय क्रिकेट संघ आणि इंग्लंड राष्ट्रीय क्रिकेट संघ यांच्यात पाच सामन्यांची टी-20 मालिका (IND vs ENG T20I Series 2025) आणि तीन सामन्यांची एकदिवसीय मालिका खेळवली जाणार आहे. या मालिकेसाठी इंग्लंडचा संघ भारत दौऱ्यावर येणार आहे. ही मालिका 22 जानेवारीपासून सुरू होईल. या दौऱ्यात प्रथम टी-20 मालिका खेळवली जाईल. मालिकेतील पहिला सामना कोलकात्यातील ईडन गार्डन्स स्टेडियमवर खेळला जाईल. या मालिकेत टीम इंडियाचे नेतृत्व सूर्यकुमार यादव करणार आहे, तर जोस बटलरच्या नेतृत्वाखालील इंग्लंडचा संघ कठीण आव्हान देण्याचा प्रयत्न करेल. (हे देखील वाचा: IND vs ENG T20I Series 2024: इंग्लडंविरुद्ध हार्दिक पांड्या मोडणार शिखर धवनचा विक्रम, कराव्या लागतील 'इतक्या' धावा)
मोहम्मद शमीचे पुनरागमन
टी-20 मालिकेसाठी टीम इंडियाची घोषणा करण्यात आली आहे, ज्यामध्ये मोहम्मद शमीचे पुनरागमन झाले आहे. 2023 च्या आयसीसी एकदिवसीय विश्वचषक स्पर्धेनंतर मोहम्मद शमी आंतरराष्ट्रीय क्रिकेट खेळताना दिसणार आहे. दरम्यान, टीम इंडिया आणि इंग्लंडमधील टी-20 आंतरराष्ट्रीय क्रिकेटमधील कामगिरीवर एक नजर टाकूया.
हेड टू हेड रेकॉर्ड
आतापर्यंत, टी-20 आंतरराष्ट्रीय क्रिकेटमध्ये टीम इंडिया आणि इंग्लंडमध्ये कठीण स्पर्धा दिसून आली आहे. दोन्ही संघ टी-20 आंतरराष्ट्रीय क्रिकेटमध्ये एकूण 24 वेळा एकमेकांसमोर आले आहेत. या काळात टीम इंडियाने 13 सामने जिंकले आहेत. तर, इंग्लंड संघाने 11 सामने जिंकले आहेत. घरच्या मैदानावर खेळताना, टीम इंडियाने इंग्लंडविरुद्ध सहा टी-20 आंतरराष्ट्रीय सामने जिंकले आहेत. पाच सामन्यांमध्ये पराभवाचा सामना करावा लागला आहे.
टीम इंडियाने घरच्या मैदानावर इंग्लंडविरुद्ध अनेक मालिका जिंकल्या
आतापर्यंत दोन्ही संघांमध्ये एकूण आठ टी-20 आंतरराष्ट्रीय मालिका खेळल्या गेल्या आहेत. या काळात टीम इंडियाने चार मालिका जिंकल्या आहेत. इंग्लंडने तीन मालिका जिंकल्या आहेत. इंग्लंडने शेवटची 2014 मध्ये टीम इंडियाविरुद्ध मालिका जिंकली होती. दरम्यान, एक मालिका अनिर्णित राहिली आहे. टीम इंडियाने घरच्या मैदानावर इंग्लंडविरुद्ध 4 टी-20 मालिका खेळल्या आहेत. या काळात टीम इंडियाने दोन मालिका जिंकल्या आहेत आणि एक मालिका गमावली आहे.
इंग्लंडविरुद्धच्या टी-20 आंतरराष्ट्रीय क्रिकेटमध्ये या भारतीय खेळाडूंनी कहर केला
अनुभवी फलंदाज विराट कोहलीने टी-20 आंतरराष्ट्रीय क्रिकेटमध्ये इंग्लंडविरुद्ध टीम इंडियासाठी सर्वाधिक धावा केल्या आहेत. विराट कोहलीने 21 सामन्यांमध्ये 38.11 च्या सरासरीने आणि 135.00 च्या स्ट्राईक रेटने 648 धावा केल्या. या बाबतीत सूर्यकुमार यादव दुसऱ्या क्रमांकावर आहे. सूर्यकुमार यादवने इंग्लंडविरुद्ध 45.85 च्या सरासरीने आणि 179.32 च्या स्ट्राईक रेटने 321 धावा केल्या आहेत. गोलंदाजीत, युजवेंद्र चहलने इंग्लंडविरुद्ध 11 सामन्यात 16 बळी घेतले आहेत. युजवेंद्र चहल व्यतिरिक्त हार्दिक पंड्याने 14 विकेट्स घेतल्या आहेत.
इंग्लंडच्या या खेळाडूंनी टीम इंडियाविरुद्ध केला कहर
इंग्लंडचा कर्णधार जोस बटलरने टी-20 आंतरराष्ट्रीय क्रिकेटमध्ये टीम इंडियाविरुद्ध सर्वाधिक धावा केल्या आहेत. जोस बटलरने 22 डावांमध्ये 33.20 च्या सरासरीने 498 धावा केल्या आहेत. जोस बटलर व्यतिरिक्त, जेसन रॉयने 15 सामन्यांमध्ये 131.85 च्या स्ट्राईक रेटने 356 धावा केल्या आहेत. या दोघांव्यतिरिक्त, जॉनी बेअरस्टोने 133.84 च्या स्ट्राईक रेटने 174 धावा केल्या आहेत. गोलंदाजीत, ख्रिस जॉर्डनने 25.42 च्या सरासरीने 21 विकेट्स घेतल्या आहेत. ख्रिस जॉर्डन व्यतिरिक्त, आदिल रशीदने 7.40 च्या इकॉनॉमी रेटने 9 विकेट्स घेतल्या आहेत.
(The above story first appeared on LatestLY on Jan 16, 2025 03:16 PM IST. For more news and updates on politics, world, sports, entertainment and lifestyle, log on to our website latestly.com).
