IPL 2022, GT vs RR Qualifier 1: गुजरातचा विजयरथ सुसाट! राजस्थानला 7 विकेट्सने हरवत IPL फायनलमध्ये घेतली ‘रॉयल’ एन्ट्री, बटलरच्या अर्धशतकावर पाणी

GT vs RR IPL 2022 Qualifier 1: इंडियन प्रीमियर लीगच्या (Indian Premier League) आपल्या पदार्पणाच्या हंगामात गुजरात टायटन्सचा (Gujarat Titans) विजयरथ सुसाट धावत आहे. कोलकात्याच्या ईडन गार्डन्स येथे पहिल्या क्वालिफायर सामन्यात गुजरातने राजस्थान रॉयल्सवर (Rajasthan Royals) 7 गडी राखून मात केली आणि आयपीएल (IPL) 15 च्या अंतिम सामन्यात दिमाखदार एन्ट्री घेतली. रॉयल्सने गुजरातसमोर 189 धावांचे भव्य आव्हान ठेवले होते, जे हार्दिक पांड्याच्या नेतृत्वातील संघाने तीन विकेट गमावून 19.3 षटकांत पूर्ण केले आणि फायनल सामन्याचे पहिले तिकीट मिळवले. गुजरातच्या विजयात कर्णधार हार्दिक पांड्या (Hardik Pandya) आणि डेविड मिलर (David Miller) यांनी महत्वपूर्ण भूमिका बजावली. दोघांमध्ये 106 धावांच्या नाबाद भागीदारीने राजस्थानला प्रभावाची धूळ चारली. दरम्यान, राजस्थान रॉयल्सला मोठा पराभवाचा सामना करावा लागला आहे, पण आता त्यांच्याकडे अंतिम सामन्यात पोहोचण्यासाठी आणखी एक संधी आहे. लखनऊ सुपर जायंट्स आणि रॉयल चॅलेंजर्स बेंगलोर यांच्यातील एलिमिनेटरच्या विजयी संघाशी संजू सॅमसनच्या संघाचा सामना होईल. (IPL 2022, RCB vs LSG Eliminator: आयपीएल 15 मध्ये बेंगलोर-लखनऊचे विजेतेपद जिंकणे कठीण! यामागचे सर्वात मोठे कारण काय?)

सामन्याबद्दल बोलायचे तर 189 धावांच्या लक्ष्याचा पाठलाग करताना गुजरात टायटन्सची सुरुवात खराब झाली. रिद्धिमान साहा खाते न उघडता बाद झाला. पण शुभमन गिल आणि मॅथ्यू वेड यांच्या दुसऱ्या विकेटसाठी 72 धावांची भर घालत संघाचा डाव सावरला. पण मॅथ्यू वेड आणि शुभमन 35 धावा करून बाद झाले. अशाप्रकारे 85 धावसंख्येवर तीन विकेट गमावल्यावर संघ आल्याचे दिसत होते. पण कर्णधार हार्दिक पंड्या आणि मिलर उभा जोडीने संयमाने सामना करत राजस्थानच्या गोलंदाजी हल्ल्याचा सामना केला आणि संघाचा अंतिम सामन्यात प्रवेश निश्चित केला. हार्दिक 27 चेंडूत 40 धावा तर मिलर 38 चेंडूत 68 धावा करून नाबाद परतले. याशिवाय दोघांनी राजस्थानचा स्टार सलामीवीर जोस बटलरच्या शानदार अर्धशतक पाणी फेरले. बटलरने सर्वाधिक 89 धावांची खेळी करून संघाला आव्हानात्मक धावसंख्येपर्यंत नेले.

यापूर्वी सामन्यात प्रथम फलंदाजी करताना बटलरच्या 89 धावांच्या जोरावर राजस्थानने गुजरातसमोर 189 धावांचे लक्ष्य ठेवले होते. बटलरशिवाय कर्णधार संजू सॅमसनने 26 चेंडूत 47 धावांची तुफानी खेळी करत संघाला संकटातून बाहेर काढले. बटलरने 42 चेंडूत अर्धशतक ठोकले. 17 व्या षटकात त्याने चौकार मारून लय मिळवली आणि त्यानंतर 56 चेंडूत 12 चौकार व दोन षटकारांसह 89 धावांची महत्वपूर्ण खेळी केली.

(The above story first appeared on LatestLY on May 24, 2022 11:32 PM IST. For more news and updates on politics, world, sports, entertainment and lifestyle, log on to our website latestly.com).