QuickLY
Socially
IPL 2021: इंडियन प्रीमियर लीग (Indian Premier League) 2021 चे उर्वरित 31 सामने सप्टेंबर ते ऑक्टोबर दरम्यान युएई येथे आयोजित होणार असल्याचे निश्चित झाले आहे. दरम्यान, दिल्ली कॅपिटल्स (Delhi Capitals) संघासाठी एक चांगली बातमी समोर आली आहे. आयपीएलचे (IPL) उर्वरित सामने सुरू होण्यापूर्वी नियमित कर्णधार श्रेयस अय्यर (Shreyas Iyer) पूर्णपणे तंदुरुस्त होईल. पण अय्यरच्या कमबॅकनंतर रिषभ पंत (Rishabh Pant) कर्णधारपदी कायम राहील की नाही हे पाहणे अद्याप शिल्लक आहे. तथापि, अय्यरच्या अनुपस्थितीत पंतने दिल्लीला पॉइंट्स टेबलमध्ये पहिल्या क्रमांकावर नेले होते. अय्यरने खांद्याच्या दुखापतीतून बरे होण्यासाठी इंडियन प्रीमियर लीगमध्ये (आयपीएल) आपण खेळणार नसल्याचे जाहीर केलं होतं. मार्चमध्ये पुण्यात इंग्लंडविरुद्ध (England) पहिल्या वनडे सामन्यात अय्यरने खांद्याला दुखापत झाली होती आणि एप्रिलमध्ये शस्त्रक्रिया करण्यात आली. (IPL 2021 Phase-2: चाहत्यांसाठी आनंदाची बातमी, UAE येथे आयपीएलच्या दुसर्‍या टप्प्यात ऑस्ट्रेलियन खेळाडूंच्या उपलब्धतेवर मिळाला मोठा अपडेट)
अय्यरने 'द ग्रेड क्रिकेटर' यूट्यूब चॅनलला सांगितले “मला वाटते की दुखापत बरी झाली आहे. आता सामर्थ्य आणि श्रेणी मिळवण्याची अंतिम पायरी आहे. म्हणून यास सुमारे एक महिना लागणार आहे आणि प्रशिक्षण स्पष्टपणे चालू आहे. तसेच, मला वाटते, मी आयपीएलमध्ये खेळेन.” दिल्ली कॅपिटल्सच्या कर्णधारपदाविषयी बोलताना अय्यर म्हणाला की, नेतृत्वबदलाचा निर्णय फ्रँचायझी मालकांच्या हाती आहे. माजी कर्णधाराने हे देखील निदर्शनास आणून दिले की मागील हंगामातील खेळाडूंनी नवीन कर्णधार पंतच्या अंतर्गत उल्लेखनीय कामगिरी केली आहे. “मला कर्णधारपदाबद्दल माहिती नाही, ते मालकांच्या हाती आहे. परंतु संघ आधीच चांगली कामगिरी करत आहे व आम्ही अव्वल आहोत आणि हेच माझ्यासाठी खरोखर महत्त्वाचे आहे. माझे मुख्य उद्दीष्ट व ध्येय ट्रॉफी उचलण्याचे आहे जे दिल्लीने यापूर्वी कधीही केले नव्हते,” अय्यर पुढे म्हणाला.
आयपीएल 2021 चा उर्वरित हंगाम कोविड-19 मुळे स्थगित होण्यापूर्वी पंतच्या नेतृत्वात दिल्लीने 8 सामन्यांपैकी 6 विजयांसह टेबल-टॉपर्समध्ये स्थान मिळवले आहे. दुसरीकडे, गेल्या हंगामात अय्यरच्या नेतृत्वात, दिल्ली कॅपिटल्सने पहिल्यांदा आयपीएलच्या अंतिम सामन्यात प्रवेश केला होता पण विजेतेपदाच्या सामन्यात गतविजेत्या मुंबई इंडियन्सने त्यांना पराभवाची धूळ चारली.
