Loud Noise From Sachin Tendulkar's House: सचिन तेंडुलकरच्या मुंबईतील घराबाहेरून रात्री 9 वाजता मोठा आवाज येत असल्याची शेजाऱ्याची तक्रार; सोशल मिडियावर शेअर केली पोस्ट
सचिन तेंडुलकर या वर्षाच्या सुरुवातीला विस्तीर्ण दोराब व्हिला विकत घेतला होता. आता या ठिकाणी बहुमजली घर बांधण्यासाठी सध्याची रचना तोडली जात आहे. हे काम दोन महिन्यांपूर्वी सुरू झाले.
Loud Noise From Sachin Tendulkar's House: मुंबईमधील दिलीप डिसोझा या एक्स वापरकर्त्याने रविवारी रात्री एका पोस्टमध्ये क्रिकेट दिग्गज सचिन तेंडुलकरच्या वांद्रे येथील घराबाहेरून मोठ-मोठ्याने आवाज येत असल्याची तक्रार केली. सचिनच्या घरी बांधकामासाठी वापरल्या जाणाऱ्या सिमेंट मिक्सरमधून हा मोठा आवाज येत असल्याचा दावा करण्यात आला आहे. दिलीप यांची ही पोस्ट व्हायरल झाली असून त्यावर अनेक सोशल मीडिया वापरकर्त्यांच्या प्रतिक्रिया आल्या आहेत. दिलीप यांनी त्यांच्या पोस्टमध्ये मुंबई पोलीस किंवा बीएमसीला टॅग न करता, सचिनला टॅग केले आहे.
आपल्या पोस्टमध्ये दिलीप यांनी लिहिले की, ‘प्रिय सचिन तेंडुलकर, आता रात्रीचे जवळपास 9 वाजले आहेत आणि दिवसभर तुमच्या वांद्र्याच्या घराबाहेर मोठा आवाज करत असलेला सिमेंट मिक्सर अजूनही चालू आहे. कृपया तुमच्या काम करणाऱ्या लोकांना योग्य वेळी काम करण्यास सांगाल का?’. सचिन तेंडुलकरने या वर्षाच्या सुरुवातीला विस्तीर्ण दोराब व्हिला विकत घेतला होता. आता या ठिकाणी बहुमजली घर बांधण्यासाठी सध्याची रचना तोडली जात आहे. हे काम दोन महिन्यांपूर्वी सुरू झाले. सचिनने आधीच शेजाऱ्यांना इथे होणाऱ्या कामाची माहिती दिली होती. उपनगरातील वांद्रे येथील एका भूखंडावर तो नवीन घर बांधत आहे व तिथे होणाऱ्या बांधकाम कामांमुळे झालेल्या ‘गैरसोय’बद्दल दिलगिरी व्यक्त करणारे पत्रही त्याने शेजाऱ्यांना पाठवले आहे. पेरी क्रॉस रोड परिसरातील सुमारे 100 रहिवाशांना तेंडुलकरचे पत्र मिळाले. मात्र आता रात्री उशिरापर्यंत चालू असलेल्या या कामांमुळे लोकांची चिडचिड होत असल्याचे दिसून येत आहे. (हेही वाचा: Marathi People Are Not Welcome Here: 'मराठी लोकांचे इथे स्वागत नाही'; मुंबईत नोकरीसाठी लिंक्डइनवर केलेल्या पोस्टवरून गोंधळ, काय आहे नेमकं प्रकरण? वाचा)
पहा पोस्ट-
Dear @sachin_rt, it's nearly 9pm and the cement mixer that's been outside your Bandra home all day making a loud noise is still there, still making a loud noise.
Please could you ask the people working on your home to stick to reasonable hours? Thank you so much.
— Dilip D'Souza (@DeathEndsFun) May 5, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 06, 2024 09:21 AM IST. For more news and updates on politics, world, sports, entertainment and lifestyle, log on to our website latestly.com).
