Frog Found In Wafer Packet: वेफरच्या पाकिटात आढळला सडलेला बेडूक; गुजरातच्या जामनगरमधील धक्कादायक घटना (Watch Video)
या प्रकरणाबाबत जामनगर महानगरपालिकेच्या अधिकाऱ्याने सांगितले की, तपासणीचा भाग म्हणून बटाटा चिप्स पॅकेटच्या उत्पादन बॅचचे नमुने गोळा केले जातील.
Frog Found In Wafer Packet: नुकतेच मुंबईतील एका रहिवाशाने ऑनलाइन ऑर्डर केलेल्या आईस्क्रीममध्ये मानवी बोटाचा तुकडा सापडला होता. त्यानंतर झेप्टोवरून ऑर्डर केलेल्या चॉकलेट सिरपमध्ये मृत उंदीर आढळून आला. ही दोन्ही प्रकरणे अद्याप थंडावली नव्हती, तर आता गुजरातमधील जामनगरमध्ये अशीच एक बातमी समोर आली आहे. येथे बालाजी वेफर्सच्या बटाटा चिप्सच्या पॅकेटमध्ये मृत बेडूक आढळून आल्याची माहिती आहे. या प्रकरणाची माहिती मिळताच जामनगर महापालिकेने बुधवारी चौकशीचे आदेश दिले आहेत.
या प्रकरणाबाबत जामनगर महानगरपालिकेच्या अधिकाऱ्याने सांगितले की, तपासणीचा भाग म्हणून बटाटा चिप्स पॅकेटच्या उत्पादन बॅचचे नमुने गोळा केले जातील. अन्न सुरक्षा अधिकारी डीबी परमार यांनी पत्रकारांना सांगितले की, जास्मिन पटेल नावाच्या एका तरुणीने त्यांना बालाजी वेफर्सच्या क्रंचेक्सच्या पॅकेटमध्ये मृत बेडूक आढळल्याची माहिती दिली. त्यानंतर अन्न सुरक्षा अधिकारी, काल रात्री ते पॅकेट ज्या दुकानातून खरेदी केले होते त्या दुकानात गेले. सुरुवातीच्या तपासात तो मृत बेडूक असल्याचे समोर आले असून, तो कुजलेल्या अवस्थेत होता. आता महापालिका आयुक्तांच्या सूचनेनुसार या बटाटा चिप्स पॅकेटच्या या बॅचचे नमुने तपासणीसाठी घेतले जाणार आहेत. (हेही वाचा: Dead Rat Found In Hershey's Chocolate Syrup: झेप्टोवरून ऑर्डर केलेल्या चॉकलेट सिरपमध्ये सापडला मृत उंदीर; पहा व्हायरल व्हिडिओ)
पहा व्हिडिओ-
Frog found in a wafer packet in Gujarat's Jamnagar.@TChemmel @news7tamil pic.twitter.com/R1r5xUSKUK
— Ƭɴ Thiru ࿐திருலோகசந்தர் (@R_ThiruChandar) June 19, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 19, 2024 07:42 PM IST. For more news and updates on politics, world, sports, entertainment and lifestyle, log on to our website latestly.com).
