राज्यातील ऑटोरिक्षा-टॅक्सी चालकांना दिलासा; वाहनांचे योग्यता प्रमाणपत्र नूतनीकरण विलंब शुल्क आकारण्यास स्थगिती
मंत्री भुसे म्हणाले की, ऑटो रिक्षा-टॅक्सी चालक संघटना तसेच विविध परिवहन संवर्गातील वाहनधारकांच्या संघटनांकडून याबाबत मुख्यमंत्री एकनाथ शिंदे यांना निवेदन देण्यात आले होते.
ऑटो रिक्षा-टॅक्सी, विविध संवर्गातील वाहनांचे योग्यता प्रमाणपत्र नूतनीकरणास विलंब झाल्यास प्रति दिवस 50 रुपये एवढे विलंब शुल्क आकारण्यात येत होते. या विलंब शुल्क आकारण्यास स्थगिती देण्यात येत असल्याचा निर्णय राज्य सरकारने घेतला आहे. याबाबत मंत्री भुसे म्हणाले की, ऑटो रिक्षा-टॅक्सी चालक संघटना तसेच विविध परिवहन संवर्गातील वाहनधारकांच्या संघटनांकडून याबाबत मुख्यमंत्री एकनाथ शिंदे यांना निवेदन देण्यात आले होते. मोटार वाहन नियमामधील राज्य शासनास प्राप्त अधिकारांच्या आधारे योग्यता प्रमाणपत्र नूतनीकरण विलंबास विलंब शुल्क आकारण्यात येते. योग्यता प्रमाणपत्र नूतनीकरणासाठी येणाऱ्या 15 वर्षाच्या आतील सर्व परिवहन वाहनांचे योग्यता प्रमाणपत्र नूतनीकरणास विलंब झाल्यानंतर, प्रति दिवस 50 रुपये विलंब शुल्क आकारण्यात येते. या कार्यवाहीस स्थगिती देण्यात येत आहे. या निर्णयामुळे ऑटो रिक्षा-टॅक्सी, विविध परिवहन संवर्गातील वाहनधारकांना दिलासा मिळणार असल्याचे मंत्री भुसे यांनी सांगितले. (हेही वाचा: Notice to Trainee IAS Officer Pooja Khedkar: प्रशिक्षणार्थी IAS अधिकारी पूजा खेडकरला पुणे वाहतूक पोलिसांनी पाठवली नोटीस; खाजगी वाहन आवश्यक कागदपत्रांसह सादर करण्याचे आदेश)
पहा पोस्ट-
महत्त्वाची घोषणा!
ऑटो रिक्षा-टॅक्सी चालकांना आता वाहनांचे योग्यता प्रमाणपत्र नूतनीकरणासाठी विलंब शुल्कापासून मिळाली स्थगिती. याआधी प्रति दिवस ५० रुपये विलंब शुल्क आकारण्यात येत होते. त्याला स्थगिती देण्यात येत असल्याचे मंत्री @dadajibhuse यांनी विधानसभेत निवेदनाद्वारे दिली. pic.twitter.com/SwCJB6OlvW
— MAHARASHTRA DGIPR (@MahaDGIPR) July 11, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 11, 2024 11:17 PM IST. For more news and updates on politics, world, sports, entertainment and lifestyle, log on to our website latestly.com).
