Pune Ganeshotsav: पुण्यातील ढोल-ताशा पथकांना सर्वोच्च न्यायालयाचा दिलासा; NGT च्या निर्देशाला दिली स्थगिती
एनजीटीच्या आदेशाविरोधात पुण्यातील 'ढोल-ताशा' समूहाच्या याचिकेवर आज दुपारी 2 वाजता सुनावणी झाली. यावेळी सर्वोच्च न्यायालयाने ढोल-ताशा पथकांना दिलासा देत, एनजीटीच्या आदेशाला स्थगिती दिली.
Pune Ganeshotsav: आता पुण्यातील गणपती विसर्जन आणि उत्सवादरम्यान 30 हून अधिक लोकांना ढोल-ताशा ग्रुपमध्ये सहभागी होता येणार आहे. सर्वोच्च न्यायालयाने गुरुवारी राष्ट्रीय हरित न्यायाधिकरणाच्या (एनजीटी) आदेशाला स्थगिती दिली. एनजीटीने आपल्या आदेशात पुण्यातील गणपती मूर्ती विसर्जन कार्यक्रम आणि गणपती उत्सवात सहभागी होणाऱ्या 'ढोल-ताशा' गटातील लोकांची संख्या 30 पर्यंत मर्यादित केली होती. एनजीटीने ध्वनी प्रदूषण नियंत्रित करण्याच्या उद्देशाने गणपती विसर्जनात सहभागी होणाऱ्या ढोल-ताशा गटातील लोकांची संख्या मर्यादित ठ्वण्याचे निर्देश दिले होते. आता एनजीटीच्या आदेशाविरोधात पुण्यातील 'ढोल-ताशा' समूहाच्या याचिकेवर आज दुपारी 2 वाजता सुनावणी झाली. यावेळी सर्वोच्च न्यायालयाने ढोल-ताशा पथकांना दिलासा देत, एनजीटीच्या आदेशाला स्थगिती दिली. सरन्यायाधीश न्यायमूर्ती डीवाय चंद्रचूड आणि न्यायमूर्ती जेबी पार्डीवाला आणि न्यायमूर्ती मनोज मिश्रा यांच्या खंडपीठाने यावर राज्य अधिकाऱ्यांना नोटीसही बजावली आहे. महाराष्ट्रातील काही भागांमध्ये 'ढोल-ताशा' गट हा पारंपरिक सणांचा अविभाज्य भाग आहे. (हेही वाचा: Ganapati Poojan: पीएम नरेंद्र मोदी यांनी भारताचे सरन्यायाधीश DY Chandrachud यांच्या घरी गणपती पूजनाला लावली हजेरी; स्वतः केली आरती)
पुण्यातील ढोल-ताशा पथकांना सर्वोच्च न्यायालयाचा दिलासा-
Supreme Court stays the order of National Green Tribunal (NGT) limiting the number of members of each Dhol-Tasha-Zanj troupe to 30 persons during the idol immersion rituals of Lord Ganesh in Pune.
A bench led by Chief Justice of India DY Chandrachud issues notice to Maharashtra…
— ANI (@ANI) September 12, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 12, 2024 06:23 PM IST. For more news and updates on politics, world, sports, entertainment and lifestyle, log on to our website latestly.com).
