Paris Olympic 2024: ऑलिम्पिकमध्ये नेमबाजीत कांस्य पदक प्राप्त करणाऱ्या Swapnil Kusale चे मुख्यमंत्री एकनाथ शिंदेंनी केले अभिनंदन; सरकारकडून 1 कोटी रुपयांचे पारितोषिक जाहीर

Paris Olympic 2024: पॅरीस ऑलिंपिक 2024 मध्ये नेमबाजीत कांस्य पदकाचा वेध घेणारा स्वप्नील व त्याच्या कुटुंबियांचे मुख्यमंत्री एकनाथ शिंदे यांनी अभिनंदन केले. ‘शाब्बास स्वप्नील… तुझ्या कांस्य पदकामुळे महाराष्ट्राच्या चेहऱ्यावर हास्य पसरले आहे. तुझी कामगिरी महाराष्ट्रासाठी अभिमानास्पद आहे. तू आमचा अभिमान आहेस,’, अशा शब्दांत मुख्यमंत्री एकनाथ शिंदे यांनी नेमबाज स्वप्नील कुसाळेचे अभिनंदन केले. तसेच या कामगिरीसाठी स्वप्नीलला एक कोटी रुपयांचे पारितोषिक दिले जाईल, असे जाहीर केले.

मुख्यमंत्री शिंदे आणि महाराष्ट्र ऑलिंपिक असोसिएशनचे अध्यक्ष तथा उपमुख्यमंत्री अजित पवार यांनी पॅरीसमध्ये असलेल्या ऑलिंपिकवीर स्वप्नीलशी तसेच त्याच्या प्रशिक्षक दिपाली देशपांडे, विश्वजीत शिंदे यांच्याशी दूरदृश्य प्रणालीद्वारे संपर्क साधला. महाराष्ट्राला वैयक्तिक कामगिरीसाठी 72 वर्षांनी पदक मिळाले आहे. या कामगिरीसाठी स्वप्नीलला एक कोटी रुपयांचे पारितोषिक दिले जाईल. त्याचा आणि त्याचे प्रशिक्षक, आई-वडील यांचा यथोचित सत्कारही केला जाणार आहे. याशिवाय स्वप्नीलला नेमबाजीतील पुढील तयारीसाठी आवश्यक, त्या सर्व सोयी-सुविधा उपलब्ध करून दिल्या जातील. (हेही वाचा: Who is Swapnil Kusale: कोण आहे स्वप्नील कुसळे? ज्याने साधला निशाणा, पॅरिस ऑलिम्पिकमध्ये पटकवले कास्य पदक!)

पहा पोस्ट-

Maharashtra CM Eknath Shinde has announced Rs 1 Crore to Olympian Swapnil Kusale for winning Bronze medal in Paris.

— ANI (@ANI) August 1, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Aug 01, 2024 07:45 PM IST. For more news and updates on politics, world, sports, entertainment and lifestyle, log on to our website latestly.com).