Maharashtra Assembly Elections: मुंबईकरांसाठी खुशखबर! शाईचे बोट दाखवल्यानंतर मतदारांना रेस्टॉरंट्स, मल्टिप्लेक्स, किरकोळ विक्रेत्यांकडून मिळणार भरघोस सवलत
महाराष्ट्रात 20 नोव्हेंबर रोजी विधानसभा निवडणुका होणार आहेत. मतदानाला प्रोत्साहन देण्याच्या उद्देशाने हा उपक्रम व्यापारी, मल्टिप्लेक्स मालक आणि रेस्टॉरंट मालकांच्या संघटनांशी चर्चा करून हाती घेण्यात आला आहे, असे एका अधिकाऱ्याने सांगितले.
Maharashtra Assembly Elections: शाईचे बोट दाखवल्यानंतर मतदारांना मुंबईतील निवडक दुकाने, रेस्टॉरंट आणि मल्टिप्लेक्समध्ये 20 टक्क्यांपर्यंत सूट मिळेल, अशी घोषणा निवडणूक आयोगाच्या अधिकाऱ्यांनी शुक्रवारी केली. महाराष्ट्रात 20 नोव्हेंबर रोजी विधानसभा निवडणुका होणार आहेत. मतदानाला प्रोत्साहन देण्याच्या उद्देशाने हा उपक्रम व्यापारी, मल्टिप्लेक्स मालक आणि रेस्टॉरंट मालकांच्या संघटनांशी चर्चा करून हाती घेण्यात आला आहे, असे एका अधिकाऱ्याने सांगितले. निवडणूक आयोगाकडून मतदार जनजागृतीसाठी ‘उत्सव निवडणुकीचा, अभिमान महाराष्ट्राचा’ हे विशेष अभियान राबविण्यात येत आहे. आज या अभियानाची राज्यस्तरीय सुरुवात गेट वे ऑफ इंडिया येथे मान्यवरांच्या हस्ते करण्यात आली. भूषण गगराणी यांनी फेडरेशन ऑफ रिटेल ट्रेडर्स वेल्फेअर असोसिएशन, मल्टीप्लेक्स असोसिएशन ऑफ इंडिया, इंडियन हॉटेल अँड रेस्टॉरंट असोसिएशन, असोसिएशन ऑफ हॉटेल अँड रेस्टॉरंट्स आणि इतर काही व्यापारी संघटनांच्या प्रतिनिधींसोबत 31 ऑक्टोबर रोजी बैठक घेतली. मतदारांना प्रोत्साहन देण्यासाठी त्यांनी सवलत देण्याचे मान्य केले. मल्टिप्लेक्स चेन पीव्हीआर आयनॉक्स, सिनेपोलिस, मिराज, स्टर्लिंग, मुक्ता, मूव्हीमॅक्स आणि मुव्ही टाईम यांनी शहरात 20 ते 22 नोव्हेंबर दरम्यान मतदारांना 20 टक्के सूट देण्याचे मान्य केले आहे. (हेही वाचा: Maharashtra Assembly Elections: महाराष्ट्र विधानसभा निवडणुकीदरम्यान दिव्यांग व ज्येष्ठ मतदारांसाठी ‘सक्षम ॲप’; जाणून घ्या मिळणाऱ्या सुविधा)
मतदारांना रेस्टॉरंट्स, मल्टिप्लेक्स, किरकोळ विक्रेत्यांकडून मिळणार सवलत-
STORY | Maharashtra polls: Restaurants, multiplexes, retailers to offer discounts for voters in Mumbai
READ: https://t.co/gNpiEdeK6r#MaharashtraElections2024 #MaharashtraAssemblyElections2024 pic.twitter.com/xAjWLQE2LS
— Press Trust of India (@PTI_News) November 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 08, 2024 11:16 PM IST. For more news and updates on politics, world, sports, entertainment and lifestyle, log on to our website latestly.com).
