राष्ट्रवादी आमदारांच्या शपथविधीसाठी विजय देशमुख यांची उपस्थिती; पक्षाने कारवाई करत अकोला शहर जिल्हाध्यक्ष पदावरून केले बडतर्फ

राष्ट्रवादीचे नेते अजित पवार बंडखोर भूमिका घेत महाराष्ट्रातील शिवसेना (शिंदे गट) आणि भाजपच्या युती सरकारमध्ये सामील झाले आहेत. त्यांनी रविवारी राजभवनात राष्ट्रवादी काँग्रेस पक्षाच्या (राष्ट्रवादी) आठ आमदारांसह शपथ घेतली. अजित पवार यांनी उपमुख्यमंत्रिपदाची शपथ घेतली असून गेल्या चार वर्षात त्यांनी तिसऱ्यांदा या पदाची शपथ घेतली आहे. या शपथविधीसाठी अकोला शहर जिल्हाध्यक्ष विजय देशमुख उपस्थित होते. आता त्यांच्यावर राष्ट्रवादीने कारवाई करत त्यांना पदावरून बडतर्फ केले आहे.

राष्ट्रवादीने दिलेल्या माहितीमध्ये म्हटले आहे, 'महाराष्ट्राच्या राज्याच्या विद्यमान सरकारमध्ये सामील होणाऱ्या व उपमुख्यमंत्री/मंत्री पदाची शपथ घेतलेल्या पक्षाच्या आमदारांच्या शपथविधीसाठी २ जुलै २०२३ रोजी श्री. विजय देशमुख उपस्थित राहिले. हे त्यांचे कृत्य पक्ष शिस्त तसेच पक्षाची ध्येयधोरणे याच्या विरोधी आहे. त्यामुळे त्यांना पक्षाच्या सदस्यत्वावरून व अकोला शहर जिल्हाध्यक्ष पदावरून तातडीने बडतर्फ करण्यात येत आहे.' (हेही वाचा: Maharashtra Politics: महाराष्ट्रात राजकिय भुकंपा नंतर डॉ.अमोल कोल्हीची प्रतिक्रिया...... बाप नाही विसरायचा!)

महाराष्ट्राच्या राज्याच्या विद्यमान सरकारमध्ये सामील होणाऱ्या व उपमुख्यमंत्री/मंत्री पदाची शपथ घेतलेल्या पक्षाच्या आमदारांच्या शपथविधीसाठी २ जुलै २०२३ रोजी श्री. विजय देशमुख उपस्थित राहिले. हे त्यांचे कृत्य पक्ष शिस्त तसेच पक्षाची ध्येयधोरणे याच्या विरोधी आहे. त्यामुळे त्यांना… pic.twitter.com/4Rv3TEpYLN

— NCP (@NCPspeaks) July 3, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jul 03, 2023 03:36 PM IST. For more news and updates on politics, world, sports, entertainment and lifestyle, log on to our website latestly.com).