Ajit Pawar Mimics Rohit Pawar: उपमुख्यमंत्री अजित पवार यांनी भरसभेत केली पुतण्या रोहित पवारांच्या रडण्याची नक्कल (Watch Video)
शरद पवारांच्या सभेत रोहित पवार भावूक झाल्याचे दिसले. ते भाषण करताना मंचावर रडले. याबाबतचे काही व्हिडिओ समोर आल्यानंतर, आता अजित पवार यांनी आपल्या सभेमध्ये रोहित पवार यांची नक्कल केली.
Ajit Pawar Mimics Rohit Pawar: लोकसभा निवडणुकीच्या तिसऱ्या टप्प्यातील प्रचाराच्या शेवटच्या दिवशी बारामतीमध्ये शरद पवार गट व अजित पवार गट अशा दोघांच्याही सभा पार पडल्या. यावेळी शरद पवारांच्या सभेत रोहित पवार भावूक झाल्याचे दिसले. ते भाषण करताना मंचावर रडले. याबाबतचे काही व्हिडिओ समोर आल्यानंतर, आता अजित पवार यांनी आपल्या सभेमध्ये रोहित पवार यांची नक्कल केली. सध्या अजित पवारांचा हा नकलेचा व्हिडिओ व्हायरल होत आहे. ‘शेवटच्या सभेत कोणी तरी तुम्हाला भावनिक करण्याचा प्रयत्न करेल. कोणीतरी पठ्याने डोळ्यातून पाणी काढले, तर मी सुद्धा काढतो. पण अशी कृत्ये चालत नाहीत', असे म्हणत अजित पवार यांनी भरसभेत रोहित पवारांची नक्कल केली.
लोकसभा निवडणुकांच्या तिसऱ्या टप्प्यातील प्रचाराच्या तोफा थंडावल्या आहेत. राज्यातील 11 लोकसभा मतदारसंघात उद्या 7 मे रोजी मतदान होत आहे. काल प्रचाराचा शेवटचा दिवस होता, अशात बारामतीमध्ये पवार कुटुंब सभांच्या माध्यमातून आमने-सामने आल्याचे पाहायला मिळाले. बारामती जागेसाठी पवार विरुद्ध पवार यांच्यात लढत आहे. या जागेवर सुनेत्रा पवार यांच्या विरोधात सुप्रिया सुळे लढत आहेत. (हेही वाचा: Lok Sabha Elections 2024: पुणेकरांनो एका डायलवर जाणून घ्या तुमचे मतदान केंद्र; PMC ने जारी केले क्षेत्रिय कार्यालयनिहाय हेल्पलाईन क्रमांक)
पहा व्हिडिओ-
#WATCH | Pune: While addressing a rally in Baramati, Maharashtra Deputy CM Ajit Pawar mimics nephew Rohit Pawar.
He says, "I told you someone will try to play on your emotions. But such acts don't work" (05.05.2024) pic.twitter.com/8woCHwNQBY
— ANI (@ANI) May 6, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 06, 2024 04:51 PM IST. For more news and updates on politics, world, sports, entertainment and lifestyle, log on to our website latestly.com).
