Guillain–Barré Syndrome: पुण्यात गुइलेन-बॅरे सिंड्रोमची 22 संशयित प्रकरणे; नमुने विश्लेषणासाठी ICMR-NIV कडे पाठवले, आजाराच्या प्रसाराबद्दल अलर्ट जारी
आरोग्य अधिकाऱ्यांनी जनतेला खात्री दिली आहे की हा आजार धोकादायक नाही आणि संसर्गजन्य नाही. हा आजार, बहुतेकदा इतर आजारांच्या दुय्यम स्वरूपात असतो व तो प्रामुख्याने 12 ते 30 वयोगटातील व्यक्तींना प्रभावित करतो.
Guillain–Barré Syndrome: पुण्यात गेल्या सात दिवसांत गुइलेन-बॅरे सिंड्रोम (GBS) या दुर्मिळ न्यूरोलॉजिकल डिसऑर्डरची किमान 22 संशयित प्रकरणे नोंदवली गेली आहेत. या रुग्णांचे रक्त, मल, घशातील स्वॅब, लाळ आणि लघवीचे नमुने विश्लेषणासाठी इंडियन कौन्सिल ऑफ मेडिकल रिसर्च-नॅशनल इन्स्टिट्यूट ऑफ व्हायरोलॉजी (ICMR-NIV) कडे पाठवण्यात आले आहेत. पुणे महानगरपालिकेच्या (PMC) अधिकाऱ्याने ही माहिती दिली. रुग्णांची वाढती प्रकरणे पाहता पुणे महानगरपालिकेने गुइलेन-बॅरे सिंड्रोमच्या प्रसाराबाबत अलर्ट जारी केला आहे. नोंदवलेले रूग्ण प्रामुख्याने दीनानाथ मंगेशकर हॉस्पिटल, नवले हॉस्पिटल आणि पूना हॉस्पिटलमधील आहेत. रूग्णांना हातपाय कमकुवत होणे किंवा अर्धांगवायू, अतिसार आणि दूषित अन्न किंवा पाण्यामुळे ओटीपोटात दुखणे यांसारखी लक्षणे जाणवत आहेत.
आरोग्य अधिकाऱ्यांनी जनतेला खात्री दिली आहे की हा आजार धोकादायक नाही आणि संसर्गजन्य नाही. हा आजार, बहुतेकदा इतर आजारांच्या दुय्यम स्वरूपात असतो व तो प्रामुख्याने 12 ते 30 वयोगटातील व्यक्तींना प्रभावित करतो. यासाठी कोणत्याही विशेष उपचारांची आवश्यकता नाही आणि नियमित वैद्यकीय सेवा पुरेशी आहे, असेही अधिकाऱ्यांनी सांगितले. (हेही वाचा: Non-Alcoholic Fatty Liver Clinic: मुंबईमधील KEM Hospital मध्ये 28 जानेवारीपासून सुरु होणार नॉन-अल्कोहोलिक फॅटी लिव्हर क्लिनिक; Amitabh Bachchan असणार ब्रँड ॲम्बेसेडर)
पुण्यात गुइलेन-बॅरे सिंड्रोमची 22 संशयित प्रकरणे-
The Pune Municipal Corporation has issued an alert regarding the spread of Guillain-Barré Syndrome (GBS) after 22 suspected cases were reported across multiple hospitals in the city. Health authorities have assured the public that the disease is not dangerous and is not… pic.twitter.com/gWOlHZbw34
— Pune Mirror (@ThePuneMirror) January 21, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 21, 2025 05:05 PM IST. For more news and updates on politics, world, sports, entertainment and lifestyle, log on to our website latestly.com).
