Spanish Woman Gang Rape Case: झारखंडमध्ये स्पॅनिश महिलेवर झालेल्या सामूहिक बलात्कार प्रकरणात पोलिसांची मोठी कारवाई; सर्व 8 आरोपींना अटक

Spanish Woman Gang Rape Case: झारखंडच्या दुमका येथे स्पॅनिश महिलेवर झालेल्या सामूहिक बलात्कार प्रकरणात मंगळवारी पोलिसांना मोठे यश मिळाले. पोलिसांनी या सामूहिक बलात्कारात सामील असलेल्या आणखी 5 आरोपींना अटक केली. दुमका पोलिसांनी यापूर्वीच 3 गुन्हेगारांना अटक केली होती. अशाप्रकारे पोलिसांनी आतापर्यंत एकूण आठ जणांना अटक केली आहे. अटकेनंतर सर्व गुन्हेगारांना दुमका न्यायालयात हजर करण्यात आले, तेथून त्यांची न्यायालयीन कोठडीत रवानगी करण्यात आली. बलात्काराच्या घटनेनंतर आरोपींनी महिलेच्या पतीचे स्मार्टवॉच, हिऱ्याची अंगठी, पर्स, ब्लूटूथ, स्पेन बँकेचे क्रेडिट कार्ड, बांगलादेशी नाणी, 11 हजार भारतीय रुपये आणि 300 अमेरिकन डॉलर्स लुटले होते.

दुमका एसपी पितांबर सिंह खेरवार यांनी पत्रकार परिषदेत या प्रकरणाची माहिती दिली. एसपी म्हणाले की, शुक्रवार, 1 मार्चच्या रात्री, भारत दौऱ्यावर दुमका येथे पोहोचलेले स्पॅनिश वंशाचे जोडपे हंसदिहा पोलीस स्टेशन हद्दीतील कुरमहाटजवळ तंबू ठोकून रात्री विश्रांती घेत होते. यावेळी आठ आरोपी घटनास्थळी पोहोचले. त्यांनी आधी या जोडप्याला लुटले आणि नंतर स्पॅनिश महिलेवर सामूहिक बलात्कार केला. पीडित दाम्पत्याने पोलिसात एफआयआर दाखल केल्यानंतर प्रकरणाचे गांभीर्य पाहून पोलिसांनी तत्काळ कारवाई करत रात्री उशिरा तीन आरोपींना अटक केली. सर्व आरोपी 18-25 वयोगटातील आहेत. (हेही वाचा: Spanish Travel Vlogger's Assault Case: बलात्काराच्या घटनेनंतर पीडित स्पॅनिश महिलेचे भारताबद्दल उद्गार, काय म्हणाली घ्या जाणून)

#WATCH | Spanish woman gang rape case | Dumka SP Pitamber Singh Kherwar says, "All the 8 accused have been arrested. We have all the evidence against them and will file a chargesheet and request a speedy trial from the court... All the accused are between 18-25 age group..." pic.twitter.com/1wo7HlNQfZ

— ANI (@ANI) March 5, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Mar 05, 2024 09:01 PM IST. For more news and updates on politics, world, sports, entertainment and lifestyle, log on to our website latestly.com).