SC on Attempt To Murder Case: 'शिक्षा ही गुन्ह्याशी सुसंगत असली पाहिजे'; सुप्रीम कोर्टाने कमी केला हत्येच्या प्रयत्नाचा आरोप असलेल्या दोषींच्या तुरुंगवासाचा कालावधी
या प्रकरणातील प्राथमिक कायदेशीर मुद्दा हा होता की, हत्येच्या प्रयत्नांशी संबंधित असलेल्या आयपीसीच्या कलम 307 अंतर्गत 14 वर्षांच्या सश्रम कारावासाची शिक्षा दिली जाऊ शकते का नाही.
SC on Attempt To Murder Case: सर्वोच्च न्यायालयाने सोमवारी दिलेल्या एका महत्वाच्या निर्णयात म्हटले आहे की, खुनाचा प्रयत्न केल्याप्रकरणी दोषी ठरलेल्या व्यक्तीला 10 वर्षांपेक्षा जास्त सश्रम कारावास दिला जाऊ शकत नाही. आपल्या या ऐतिहासिक निर्णयात, भारताच्या सर्वोच्च न्यायालयाने दोन दोषी- अमित राणा उर्फ कोका आणि दुसऱ्याची शिक्षा कमी केली. या दोघांना एका व्यक्तीच्या हत्येच्या प्रयत्नासाठी 14 वर्षांच्या सश्रम कारावासाची शिक्षा झाली होती. अहवालानुसार, हत्येच्या प्रयत्नाची घटना 9 जून 2016 रोजी घडली. अपीलकर्त्यांनी (आरोपी) मंगटू रामवर गोळी झाडली, ज्यामुळे त्याच्या पाठीच्या कण्याला गंभीर दुखापत झाली आणि त्याला अर्धांगवायू झाला. नंतर ट्रायल कोर्टाने अपीलकर्त्यांना कलम 307 अंतर्गत दोषी ठरवले आणि त्यांना 14 वर्षांच्या सश्रम कारावासाची शिक्षा सुनावली, जी नंतर उच्च न्यायालयाने कायम ठेवली.
नंतर आरोपींनी सर्वोच्च न्यायालयात धाव घेतली. या प्रकरणातील प्राथमिक कायदेशीर मुद्दा हा होता की, हत्येच्या प्रयत्नांशी संबंधित असलेल्या आयपीसीच्या कलम 307 अंतर्गत 14 वर्षांच्या सश्रम कारावासाची शिक्षा दिली जाऊ शकते का नाही. खंडपीठाने म्हटले आहे की, शिक्षा ही गुन्ह्याच्या प्रमाणात असणे आवश्यक आहे. शिक्षा ही गुन्ह्याशी सुसंगत असावी. कोर्टाने यावर जोर दिला की, कलम 307 च्या भाग I अंतर्गत जास्तीत जास्त शिक्षा दहा वर्षांची आहे. सर्वोच्च न्यायालयाने आरोपींची शिक्षा 14 वर्षांवरून 10 वर्षांची सक्तमजुरी केली आणि प्रत्येकी 1,50,000 रुपयांचा दंड कायम ठेवला.
पहा पोस्ट-
Person convicted of attempted murder cannot be jailed beyond 10 years: Indian Supreme Court
READ: https://t.co/wykr0UcEhZhttps://t.co/wykr0UcEhZ
— WION (@WIONews) July 23, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 23, 2024 08:16 PM IST. For more news and updates on politics, world, sports, entertainment and lifestyle, log on to our website latestly.com).
