आता Zomato थेट ट्रेनच्या कोचमध्ये पुरवणार जेवण; 100 हून अधिक रेल्वे स्थानकांवर सेवा सुरु, IRCTC शी केली भागीदारी
आता तुम्ही ट्रेनमध्ये प्रवास करत असताना तुमच्या मोबाईलवरून झोमॅटो ॲप वापरून जेवण ऑर्डर करू शकता. झोमॅटो तुम्ही निवडलेल्या स्टेशनवर तुमच्या कोचला खाद्यपदार्थ पोहोचवेल.
जर तुम्ही ट्रेनने प्रवास करत असाल आणि आपल्या कोचमध्ये स्वादिष्ट जेवणाचा आस्वाद घ्यायचा असेल, तर झोमॅटो (Zomato) तुमच्या दिमतीला असणार आहे. ऑनलाइन फूड डिलिव्हरी प्लॅटफॉर्म झोमॅटो आता थेट ट्रेनच्या डब्यांमध्ये जेवण पोहोचवणार आहे. कंपनीचे मुख्य कार्यकारी अधिकारी (CEO) दीपंदर गोयल यांनी आज (13 सप्टेंबर) सोशल मीडिया प्लॅटफॉर्म X वर पोस्ट करून या निर्णयाची माहिती दिली आहे. कंपनीने यासाठी इंडियन रेल्वे केटरिंग अँड टुरिझम कॉर्पोरेशन (IRCTC) सोबत भागीदारी केली आहे. देशातील 100 रेल्वे स्थानकांवर ही सुविधा उपलब्ध आहे, असे गोयल यांनी म्हटले आहे. रेल्वे प्रवासादरम्यान थेट डब्यात जेवण ऑर्डर करण्याच्या सुविधेचा लाखो ग्राहकांना फायदा होणार आहे. गोयल म्हणाले की, कंपनीने ट्रेनमध्ये 10 लाखांहून अधिक ऑर्डर आधीच वितरित केल्या आहेत.
झोमॅटोने प्रवाशांची सोय लक्षात घेऊन ही नवीन सुविधा तयार केली आहे. दिल्ली, प्रयागराज, कानपूर, लखनौ, वाराणसी, अहमदाबाद, नागपूर, गोवा, भोपाळ आणि सुरत या प्रमुख शहरांचा समावेश असलेल्या 100 हून अधिक रेल्वे स्थानकांवर ही सेवा उपलब्ध आहे. (हेही वाचा: Zomato Order Scheduling: झोमॅटोने सुरू केली नवीन 'ऑर्डर शेड्युलिंग सेवा', फूड ऑर्डर शेड्यूल करण्याची सुविधा आता उपलब्ध होणार)
आता झोमॅटो थेट ट्रेनच्या कोचमध्ये पुरवणार जेवण-
Update: @zomato now delivers food directly to your train coach at over 100 railway stations, thanks to our partnership with @IRCTCofficial. We’ve already served 10 lakh orders on trains. Try it on your next journey! pic.twitter.com/gyvawgfLSZ
— Deepinder Goyal (@deepigoyal) September 13, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 13, 2024 07:20 PM IST. For more news and updates on politics, world, sports, entertainment and lifestyle, log on to our website latestly.com).
