Maha Kumbh Stampede: 'महाकुंभात घडलेली घटना मोठी नव्हती...'; मौनी अमावस्येला झालेल्या चेंगराचेंगरीवर भाजप खासदार Hema Malini यांचे वादग्रस्त विधान (Video)
हेमा मालिनी म्हणाल्या, आम्हीही कुंभमेळ्याला गेलो होतो. आम्ही संगममध्ये स्नान केले. सगळीकडे चांगले व्यवस्थापन होते. इथे खूप लोक येत आहेत. एवढ्या मोठ्या गर्दीवर नियंत्रण ठेवणे कठीण आहे, मात्र आम्ही ते व्यवस्थित व्यवस्थापित करत आहोत.
उत्तर प्रदेशातील प्रयागराज येथे महाकुंभात झालेल्या चेंगराचेंगरीत 30 जणांचा मृत्यू झाला, तर 60 लोक जखमी झाले. आता या घटनेवर मथुरा येथील भाजप खासदार हेमा मालिनी यांनी वादग्रस्त विधान केले आहे. त्या म्हणाल्या की, की ही घटना जितकी अतिशयोक्तीपूर्ण दाखवली गेली, तितकी मोठी नव्हती. जसे दाखवण्यात आले तसे मोठे काही झाले नव्हते. हेमा मालिनी पुढे म्हणाल्या, आम्हीही कुंभमेळ्याला गेलो होतो. आम्ही संगममध्ये स्नान केले. सगळीकडे चांगले व्यवस्थापन होते. इथे खूप लोक येत आहेत. एवढ्या मोठ्या गर्दीवर नियंत्रण ठेवणे कठीण आहे, मात्र आम्ही ते व्यवस्थित व्यवस्थापित करत आहोत. इथली व्यवस्था इतकी चांगली आहे म्हणूनच पंतप्रधान नरेंद्र मोदी उद्या महाकुंभला भेट देणार आहेत. महत्वाचे म्हणजे, चेंगराचेंगरीच्या दिवशी हेमा मालिनी यांनीही संगमात स्नान केले होते.
समाजवादी पक्षाचे अध्यक्ष अखिलेश यादव यांनी महाकुंभातील चेंगराचेंगरीबद्दल संसदेत प्रश्न उपस्थित केल्याच्या प्रश्नावर हेमा मालिनी म्हणाल्या की, अखिलेश यांचे काम चुकीच्या गोष्टी बोलणे आहे. घटना घडली खरी, पण ती इतकी मोठी घटना नव्हती. संसदेच्या अर्थसंकल्पीय अधिवेशनाच्या पहिल्या दिवशी राष्ट्रपतींच्या अभिभाषणावरील आभार प्रस्तावावरील चर्चेदरम्यान समाजवादी पक्षाचे अध्यक्ष अखिलेश यादव यांनी महाकुंभातील मृतांच्या आकडेवारीवर प्रश्न उपस्थित केले होते.
Hema Malini on Maha Kumbh Stampede:
#WATCH | Delhi: BJP MP Hema Malini says "...We went to Kumbh, we had a very nice bath. It is right that an incident took place, but it was not a very big incident. I don't know how big it was. It is being exaggerated...It was very well-managed, and everything was done very… pic.twitter.com/qIuEZ045Um
— ANI (@ANI) February 4, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 04, 2025 05:05 PM IST. For more news and updates on politics, world, sports, entertainment and lifestyle, log on to our website latestly.com).
