Karnataka Shocker: हॉस्पिटलच्या वसतिगृहासाठी अवघे 30 रुपये नव्हते; व्यक्तीचा कडाक्याच्या थंडीत रुग्णालयाच्या प्रांगणात मृत्यू

कर्नाटकातील म्हैसूर जिल्ह्यातील एका 35 वर्षीय व्यक्तीचा चेलुवांबा हॉस्पिटलच्या बाहेर झोपेतच मृत्यू झाला. हॉस्पिटलच्या वसतिगृहासाठी भरण्यासाठी 30 रुपये शुल्क परवडत नसल्यामुळे ही व्यक्ती रुग्णालयाच्या बाहेरच झोपली होती. द न्यू इंडियन एक्स्प्रेसने दिलेल्या वृत्तानुसार, शिवगोपालय्या असे या व्यक्तीचे नाव आहे. शुक्रवारी ते पत्नी अश्वथम्मा यांच्यासोबत म्हैसूरला रुग्णालयात गेले होते, जिथे त्यांच्या पत्नीने मुलाला जन्म दिला होता. पत्नी आणि नवजात मुलगा हॉस्पिटलच्या आयसीयूमध्ये होते. अशात आर्थिक अडचणींचा सामना करत असलेल्या शिवगोपालय्या यांना सलग तीन रात्री हॉस्पिटलच्या अंगणात झोपावे लागले. डॉक्टरांना कोणत्याही क्षणी आपली गरज भासेल या भीतीने ते कडाक्याच्या थंडीत रुग्णालयाच्या बाहेरच झोपत होते. सोमवारी सकाळी त्यांचा मृतदेह रुग्णालयाच्या प्रांगणात आढळून आला. रुग्णालयातील ऐका व्यक्तीने सांगितले की, शिवगोपालय्या यांच्याकडे  जेवणासाठीही पैसे नव्हते. एका डॉक्टरने बाळासाठी दुधाची पावडर विकत घेण्यासाठी पैसे दिले होते. (हेही वाचा: AB PM-JAY Senior Citizen Scheme अंतर्गत 5 लाखांची मदत नाकारल्याने कॅन्सरग्रस्त 72 वर्षीय व्यक्तीने आत्महत्या करत संपवलं जीवन)

व्यक्तीचा कडाक्याच्या थंडीत रुग्णालयाच्या प्रांगणात मृत्यू -

#Karnataka man dies in hospital courtyard due to cold, unable to afford ₹30 dormitory fee: Reporthttps://t.co/QBKVlHOa29

— Hindustan Times (@htTweets) January 14, 2025

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jan 14, 2025 06:57 PM IST. For more news and updates on politics, world, sports, entertainment and lifestyle, log on to our website latestly.com).