कर्नाटक राज्यातील रायचूर जिल्ह्यात दहावीच्या विद्यार्थिनीशी अश्लील मेसेज पाठवल्याबद्दल आणि तिच्याशी गैरवर्तन केल्याप्रकरणी शाळेच्या मुख्याध्यापकाला अटक करण्यात आली आहे. पोलिसांनी गुरुवारी ही माहिती दिली. ही घटना शक्तीनगर पोलीस ठाण्याच्या हद्दीतील आहे. लवकरच निवृत्त होणार्‍या मुख्याध्यापकाने विद्यार्थिनीच्या मोबाईलवर मेसेज करायला सुरुवात केली होती. मुख्याध्यापकाने मुलीला आपल्या प्रेयसीसारखे वागण्यास सांगितले होते, असे तरुणीने पोलिसांना सांगितले होते. त्याने तिला अनेक मेसेज पाठवून तिच्या घरी त्याच्यासोबत वेळ घालवायला भाग पाडले. तिने सहकार्य न केल्यास दहावीच्या बोर्डात तिला त्रास देऊ, अशी धमकीही त्याने दिल्याचे पोलिसांनी सांगितले. आरोपीकडून छळ होत असल्याची बाब मुलीने पालकांना सांगितल्यावर त्यांनी मुख्याध्यापकाला बेदम मारहाण करून पोलिसांच्या ताब्यात दिले. पोलिसांनी त्याच्यावर पोक्सो, लैंगिक छळ आणि अत्याचाराचा गुन्हा दाखल केला आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)