Indore Bawari Accident: इंदूरच्या बेलेश्वर महादेव मंदिरातील अपघातामध्ये 11 जणांचा मृत्यू; बचावकार्य सुरु- CM Shivraj Chouhan
अधिकृत सूत्रांनी वृत्तसंस्थेला सांगितले की, मृतांचा आकडा वाढू शकतो. मात्र, बचावकार्य संपल्यानंतरच याची पुष्टी होऊ शकते.
गुरुवारी, रामनवमीच्या मुहूर्तावर, मध्य प्रदेशातील इंदूरच्या बेलेश्वर महादेव मंदिरात एक मोठी दुर्घटना घडली. आज इथे विहिरीवर बनवण्यात आलेल्या छतावर मोठ्या प्रमाणावर गर्दी झाल्याने छत कोसळले व अनेकजण विहिरीत पडले. या अपघातात दोन महिलांसह 11 जणांचा मृत्यू झाल्याची माहिती अधिकाऱ्यांनी दिली आहे. मध्य प्रदेशचे मुख्यमंत्री शिवराज चौहान यांनी सांगितले की, एकूण 19 लोकांना जिवंतपणे बाहेर काढण्यात आले. मात्र त्यातील एकाची प्रकृती गंभीर होती. सर्वांना उपचारासाठी रुग्णालयात दाखल करण्यात आले. या घटनेमध्ये आतापर्यंत 11 जणांचा मृत्यू झाला आहे. काही लोक अजूनही विहिरीत अडकले असून बचावकार्य सुरू आहे. अधिकृत सूत्रांनी वृत्तसंस्थेला सांगितले की, मृतांचा आकडा वाढू शकतो. मात्र, बचावकार्य संपल्यानंतरच याची पुष्टी होऊ शकते. ज्या ठिकाणी विहीर आहे ती जागा अरुंद असल्याचे अधिकाऱ्यांनी सांगितले. त्यामुळे बचावकार्यात अधिकाऱ्यांना अडथळे आले. विहिरीत अडकलेल्या लोकांना दोरीच्या साहाय्याने बाहेर काढले जात आहे.
VIDEO | "11 bodies have been recovered so far. The rescue operation is on (At Indore's Beleshwar Mahadev temple)," says Madhya Pradesh CM @ChouhanShivraj. pic.twitter.com/7yByhFnieS
— Press Trust of India (@PTI_News) March 30, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 30, 2023 06:09 PM IST. For more news and updates on politics, world, sports, entertainment and lifestyle, log on to our website latestly.com).
