India's GDP Growth: भारतीय अर्थव्यवस्थेसाठी दिलासादायक बाब; तिसऱ्या तिमाहीत तब्बल 8.4% ची जीडीपी ग्रोथ

India's GDP Growth: वर्ष 2023-24 च्या तिसऱ्या तिमाहीत सकल राष्ट्रीय उत्पादनातली (GDP) मजबूत 8.4% वाढ झाली आहे. राष्ट्रीय सांख्यिकी कार्यालयाने (NSO) जारी केलेल्या आकडेवारीनुसार, हा वेग विश्लेषकांच्या अंदाजापेक्षा जास्त आहे. मागील तिमाहीतील 8.1 टक्के वाढीपेक्षा हे प्रमाण खूप जास्त आहे. रिझर्व्ह बँक ऑफ इंडिया (RBI) ने याच कालावधीसाठी 6.5 टक्के वाढीचा अंदाज व्यक्त केला होता. जीडीपीमध्ये मजबूत वाढ हे भारतीय अर्थव्यवस्थेसाठी सकारात्मक लक्षण आहे. अर्थव्यवस्थेच्या या वेगानंतर 2023-24 या आर्थिक वर्षातील वाढीचा अंदाजही बदलण्यात आला आहे. पूर्वीच्या 7 टक्क्यांच्या तुलनेत तो 7.6 टक्के करण्यात आला आहे. तिसऱ्या तिमाहीत भारतीय अर्थव्यवस्था 6.6 टक्के दराने वाढेल, असा अंदाज अर्थतज्ज्ञांनी व्यक्त केला होता. मात्र, हे सर्व अंदाज फोल ठरले आहेत.पंतप्रधान नरेंद्र मोदी यांनीही जीडीपीच्या स्फोटक आकडेवारीवर प्रतिक्रिया दिली. 'भारतीय अर्थव्यवस्थेची ताकद आणि क्षमता दर्शवते', असे पंतप्रधान नरेंद्र मोदी यांनी म्हटले आहे. वेगवान आर्थिक विकासासाठी आमचे प्रयत्न सुरूच राहतील, ज्यामुळे 140 कोटी भारतीयांचे  जीवनमान उंचावण्यासाठी आणि विकसित भारत निर्माण करण्यासाठी मदत होईल, याचा पुनरुच्चारही पंतप्रधानांनी केला.

Robust 8.4% GDP growth in Q3 2023-24 shows the strength of Indian economy and its potential. Our efforts will continue to bring fast economic growth which shall help 140 crore Indians lead a better life and create a Viksit Bharat!

— Narendra Modi (@narendramodi) February 29, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 29, 2024 10:30 PM IST. For more news and updates on politics, world, sports, entertainment and lifestyle, log on to our website latestly.com).