HC on Non Adjusting Wife: 'पत्नीची न जुळवून घेण्याची वृत्ती ही पतीसाठी क्रूरता'; Delhi High Court ची घटस्फोटाला परवानगी

HC on Non Adjusting Wife: दिल्ली उच्च न्यायालयाने पत्नीच्या 'असंवेदनशील आणि न जुळवून घेण्याच्या वृत्ती'मुळे मानसिक क्रौर्याचा सामना करत असलेल्या पतीच्या बाजूने घटस्फोट घेण्याचे आदेश दिले आहेत. तसेच मेलेल्या घोड्याला चाबकाने फटके मारून काही अर्थपूर्ण हेतू साध्य होणार नाही, अशीही टिपण्णी केली. मंगळवारी जारी केलेल्या निकालात, न्यायमूर्ती सुरेश कुमार कैत यांच्या नेतृत्वाखालील खंडपीठाने पतीच्या याचिकेवर घटस्फोट नाकारणारा कौटुंबिक न्यायालयाचा आदेश बाजूला ठेवला आणि त्याच्या अपीलला परवानगी दिली. न्यायालयाने म्हटले की, ‘व्यक्तीला प्रभावित करणारे अयोग्य आणि निंदनीय वर्तन हे मानसिक क्रूरतेचे प्रमाण असू शकते. पती-पत्नीचे शारीरिक आणि मानसिक आरोग्य विचारात घेतले पाहिजे.’

अहवालानुसार, या जोडप्याने 2001 मध्ये लग्न केले आणि 16 वर्षे एकत्र राहिल्यानंतर वेगळे झाले. वकील रवी बिरबल यांनी प्रतिनिधीत्व केलेल्या पतीने पत्नीवर क्रूरतेचा आरोप केला, तर पत्नीने दावा केला की सासरच्या लोकांनी तिच्याकडे हुंडा मागितला. या प्रकणात न्यायालयाने म्हटले आहे की, ‘पक्षांनी एकत्र राहण्यासाठी प्रयत्न केले असले तरी, 16 वर्षांहून अधिक काळ टिकून राहिल्यानंतरही, त्यांच्या नात्यात सतत मतभेद आणि अस्वस्थता होती. यामुळे त्यांचे नातेसंबंध बिघडत गेले. या ठिकाणी प्रतिवादी/पत्नीची न जुळवून घेण्याची वृत्ती स्पष्टपणे दिसून येते. मतभेद सोडवण्याची परिपक्वता तिच्यामध्ये नाही. यामुळे अपीलकर्त्याला/पतीला मानसिक क्रोर्याचा सामना करावा लागला.’ (हेही वाचा: HC on Live In Relation: 'पाश्चात्य देशांप्रमाणे भारतात लिव्ह-इन रिलेशन सामान्य नाहीत, लोकांनी भारतातील संस्कृतीचा आदर केला पाहिजे'- Allahabad High Court)

Delhi High Court Grants Divorce To Man From 'Non Adjusting Wife' On Grounds Of Cruelty | ⁦@nupur_0111⁩https://t.co/0GmVoyKY1k

— Live Law (@LiveLawIndia) January 23, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jan 24, 2024 04:00 PM IST. For more news and updates on politics, world, sports, entertainment and lifestyle, log on to our website latestly.com).