Champai Soren To Join BJP: झारखंडचे माजी मुख्यमंत्री चंपाई सोरेन 30 ऑगस्ट रोजी मुलगा बाबुलालसह भाजपमध्ये प्रवेश करणार
झामुमो पक्षाचा राजीनामा दिल्यानंतर चंपाई सोरेन यांनी आजच दिल्ली गाठली होती. गेल्या अनेक दिवसांपासून ते भाजपमध्ये जाण्याची शक्यता वर्तवली जात होती. अशा परिस्थितीत आज त्याची अधिकृतरीत्या पुष्टी झाली.
Champai Soren To Join BJP: झारखंडचे माजी मुख्यमंत्री चंपाई सोरेन यांचा भाजप प्रवेश निश्चित झाला आहे. 30 ऑगस्ट रोजी ते अधिकृतपणे पक्षाचे सदस्यत्व स्वीकारणार आहेत. दिल्लीत गृहमंत्री अमित शहा यांची भेट घेतल्यानंतर झारखंड मुक्ती मोर्चाचे बंडखोर ज्येष्ठ नेते चंपाई सोरेन भाजपमध्ये प्रवेश करणार असल्याचा निर्णय घेण्यात आला. आसामचे मुख्यमंत्री हिमंता बिस्वा सरमा यांनी X वर एका पोस्टमध्ये याची पुष्टी केली होती. त्यानंतर आता स्वतः चंपाई सोरेन यांनी एक्सवर याबाबत पोस्ट करत आपल्या भाजप प्रवेशाबाबत माहिती दिली आहे. चर्चा आहे की 30 ऑगस्टला चंपाई सोरेन यांच्यासोबत झामुमोचे अनेक बडे नेतेही भाजपमध्ये सामील होऊ शकतात.
झामुमो पक्षाचा राजीनामा दिल्यानंतर चंपाई सोरेन यांनी आजच दिल्ली गाठली होती. गेल्या अनेक दिवसांपासून ते भाजपमध्ये जाण्याची शक्यता वर्तवली जात होती. अशा परिस्थितीत आज त्याची अधिकृतरीत्या पुष्टी झाली. चंपाई सोरेन म्हणतात, ‘आदिवासी अस्मिता आणि अस्तित्व वाचवण्याच्या या लढ्यात माननीय पंतप्रधान नरेंद्र मोदी आणि गृहमंत्री अमित शाह यांच्या नेतृत्वावर विश्वास व्यक्त करत, मी भारतीय जनता पक्षात प्रवेश करण्याचा निर्णय घेतला आहे. झारखंडमधील आदिवासी, मूलनिवासी, दलित, मागासलेले, गरीब, मजूर, शेतकरी, महिला, तरुण आणि सामान्य लोकांच्या समस्या आणि हक्कांसाठीच्या संघर्षाच्या या नव्या अध्यायात तुम्हा सर्वांचे सहकार्य अपेक्षित आहे.’ (हेही वाचा: Mayawati Re-Elected BSP President: बसपाच्या अध्यक्षपदी मायावती यांची एकमताने फेरनिवड)
चंपाई सोरेन भाजपमध्ये प्रवेश करणार-
जोहार साथियों,
पिछले हफ्ते (18 अगस्त) एक पत्र द्वारा झारखंड समेत पूरे देश की जनता के सामने अपनी बात रखी थी। उसके बाद, मैं लगातार झारखंड की जनता से मिल कर, उनकी राय जानने का प्रयास करता रहा। कोल्हान क्षेत्र की जनता हर कदम पर मेरे साथ खड़ी रही, और उन्होंने ही सन्यास लेने का विकल्प…
— Champai Soren (@ChampaiSoren) August 27, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 27, 2024 10:42 PM IST. For more news and updates on politics, world, sports, entertainment and lifestyle, log on to our website latestly.com).
