उद्योगपती Gautam Adani यांनी घेतली इस्रायलचे पंतप्रधान Benjamin Netanyahu यांची भेट; म्हणाले- 'हैफा बंदर करार एक मैलाचा दगड'

इस्रायलचे पंतप्रधान बेंजामिन नेतन्याहू मंगळवारी अदानी समूहाचा इस्रायलमध्ये यशस्वी प्रवेश साजरा करण्यासाठी आयोजित समारंभाला उपस्थित राहिले. अडाणी समूहाने हैफा बंदर ताब्यात घेतल्याच्या घटनेनंतर आज या कार्यक्रमाचे आयोजन केले होते. पंतप्रधान बेंजामिन नेतन्याहू यांनी मंगळवारी अदानी समुहासोबतचा हायफा बंदर करार हा एक ‘मोठा मैलाचा दगड’ असल्याचे म्हटले आहे. यामुळे दोन्ही देशांमधील संपर्क अनेक प्रकारे सुधारेल, असे नेतान्याहू म्हणाले. हैफा बंदर हे इस्रायलचे शिपिंग कंटेनर्सच्या दृष्टीने दुसरे सर्वात मोठे बंदर आहे आणि पर्यटक क्रूझ जहाजांच्या शिपिंगमध्ये सर्वात मोठे आहे.

अदानी पोर्ट्स अँड स्पेशल इकॉनॉमिक झोन (APSEZ) आणि इस्रायलच्या गॅडोट ग्रुपने हैफा बंदराच्या खाजगीकरणासाठी USD 1.18 बिलियनची निविदा गेल्या वर्षी जुलैमध्ये जिंकली होती. या वर्षी 11 जानेवारी रोजी खरेदी प्रक्रिया पूर्ण झाली, त्यानंतर बंदरातील प्रगतीचे काम जोरात सुरू आहे. कन्सोर्टियममध्ये भारतीय भागीदाराची 70 टक्के भागीदारी आहे, तर इस्रायली भागीदार गॅडोटची 30 टक्के हिस्सेदारी आहे.

Privileged to meet with @IsraeliPM @netanyahu on this momentous day as the Port of Haifa is handed over to the Adani Group. The Abraham Accord will be a game changer for the Mediterranean sea logistics. Adani Gadot set to transform Haifa Port into a landmark for all to admire. pic.twitter.com/Cml2t8j1Iv

— Gautam Adani (@gautam_adani) January 31, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jan 31, 2023 08:50 PM IST. For more news and updates on politics, world, sports, entertainment and lifestyle, log on to our website latestly.com).