Vegetable Seller in Varanasi | Screengrab From the video (Photo Credits: PTI)

Tomato Price Hike: टोमॅटोचे भाव सध्या गगनाला भिडले आहेत. वाराणसीसह देशातील अनेक शहरांमध्ये टोमॅटोच्या दराने (Tomato Price) पेट्रोलचा दरही ओलांडला आहे. पंधरवड्यापूर्वी टोमॅटो 15 ते 20 रुपये किलोने मिळत होता, तो जुलैच्या पहिल्या दिवसापासून महाग होत आहे. वाराणसीमध्ये टोमॅटो 120 ते 150 रुपये किलोने मिळतात. हे पाहता उत्तर प्रदेशातील नागवन येथे भाजी विकणारे सपा कार्यकर्ता अजय फौजी यांनी निषेध व्यक्त करण्यासाठी त्यांच्या दुकानावर बाऊन्सर तैनात केले आहे. त्यांनी एक पोस्टरही लावले आहे. ज्यात लिहिले आहे की, 'आधी पैसे मग टोमॅटो. कृपया टोमॅटोला हात लावू नका.'

याबाबत भाजीपाला दुकानदार अजय फौजी यांनी सांगितले की, टोमॅटो खूप महाग झाले आहेत. महागाईमुळे लोक 100 आणि 50 ग्रॅम टोमॅटो घेत आहेत. टोमॅटोवरून मारामारी सुरू आहे. तसेच अनेक ठिकाणी टोमॅटोची लूट होत आहे. सर्वत्र टोमॅटोमुळे वादाची परिस्थिती निर्माण झाली आहे. वाद टाळण्यासाठी दुकानात दोन बाऊन्सर टोमॅटोच्या संरक्षणासाठी तैनात करण्यात आले आहेत. जेव्हा सर्व टोमॅटो विकले जातील, तेव्हा हे बाऊन्सर घरी जातील, असंही या भाजीविक्रेत्याने सांगितलं आहे. (हेही वाचा - Tomato Price Hike: वाढत्या भावामुळे शेतातून झाली टोमॅटोची चोरी; शेतकऱ्याला लागला लाखोंचा चूना)

कोणताही ग्राहक भाजीला हात लावून सौदेबाजी करतो तेव्हा त्याला बाउन्सर अडवतात. जे हवे ते मागा असे म्हणतात. आधी पैसे द्या मग टोमॅटो घ्या. त्याचवेळी घटनास्थळी उपस्थित असलेल्या अनेकांनी दुकानदार एसपीचा कार्यकर्ता असल्याचे सांगितले. या कारणास्तव त्यांना अशा प्रकारे महागाईला विरोध करून चर्चेत यायचे आहे. आता या दुकानाची संपूर्ण शहरात चर्चा होत आहे.

टोमॅटोच्या वाढत्या किमतीमुळे हॉटेल आणि रेस्टॉरंटच्या सॅलडमध्ये टोमॅटोचा वापर कमी झाला आहे. हॉटेल्स आणि रेस्टॉरंट्स भाज्यांमध्ये टोमॅटोऐवजी टोमॅटो प्युरी वापरत आहेत. दुसरीकडे उन्हाळ्यात टोमॅटोचे उत्पादन वाढवण्यासाठी हे बियाणे तयार असल्याचे कृषी शास्त्रज्ञांचे म्हणणे आहे. गेल्या दोन आठवड्यात टोमॅटोचा भाव 35 रुपयांवरून 150 ते 160 रुपयांपर्यंत वाढला आहे. अशा परिस्थितीत सर्वसामान्यांच्या स्वयंपाकघरातून टोमॅटो पूर्णपणे गायब झाला आहे.