Fact Check: मुंबईत Trident Hotel Nariman Point परिसरात सोसाट्याच्या वार्यामुळे गाड्यांचे नुकसान झाल्याची वायरल क्लिप खोटी; पहा वास्तवातील स्थिती
वाहनांवर झाड किंवा इमारतीचा भाग कोसळल्याचा तो व्हिडिओ मुंबईच्या Trident Hotel परिसरातील नव्हे तर अरब मधील असल्याची माहिती समोर आली आहे.
मुंबई (Mumbai) मध्ये तौक्ते चक्रीवादळाच्या (Cyclone Tauktae प्रभावामुळे काल संध्याकाळपासूनच जोरदार वारे वाहत आहेत. तर पावसाचा देखील जोर दुपारी वाढला होता. सोसाट्याच्या वार्यामुळे अनेक ठिकाणी घरांचे पत्रे उडणं, झाडं कोसळणं अशा घटना समोर येत आहेत. पण या परिस्थितीचा फायदा घेत काही समाजकंटकांकडून मुंबईत ट्रायडंट हॉटेल (Trident Hotel) परिसरामध्ये गाड्यांवर काही भाग कोसळून प्रचंड नुकसान झाल्याचा व्हिडिओ वायरल होत आहे. पण व्हॉट्सअॅप (WhatsApp) वर वायरल होणारा हा व्हिडिओ खोटा असल्याचं सांगण्यात आले आहे. AIR News Mumbaiच्या ट्वीटर अकाऊंट प्रमाणेच काही अन्य ट्वीटर वरील युजर्सनी हा व्हिडिओ खोटा असल्याचं सांगितलं आहे. मुंबईच्या ट्रायडंट भागात अशाप्रकारे कोणतीही घटना घडलेली नाही त्यामुळे सध्या व्हॉट्सअॅपवर वायरल होत असलेल्या जुन्या क्लिप वर विश्वास ठेवू नका तसेच ती फॉरवर्ड करू नका.
AIR News Mumbai ट्वीट
#मुंबई मध्ये #ट्रायडेंट हॉटेल जवळ झाड किंवा इमारतीचा भाग कोसळून वाहनांचे नुकसान झाल्याची कोणतीही घटना घडलेली नाही. आमच्या प्रतिनिधीने कळवले आहे की ही घटना इतरत्र घडली आहे.@mybmc @MumbaiPolice @CMOMaharashtra #cyclonetaukate #Mumbai https://t.co/s79Qob4XnW
— AIR News Mumbai, आकाशवाणी मुंबई (@airnews_mumbai) May 17, 2021
व्हीडीओ जुना असल्याचा दावा
#FakeNews - Trident Hotel Nariman Point Mumbai#Fact - Madina, Arab, Last year July 2020 pic.twitter.com/pOFgF6g9c6
— Pankaj Jain (@pj77in) May 17, 2021
दरम्यान Pankaj Jain ने ट्वीट करत हा अरब मधील मदिना भागातील जुलै 2020 चा जुना व्हीडीओ असल्याचं म्हटलं आहे. (नक्की वाचा :अंधेरीत वॉटरलॉगिंग झाल्याने संतप्त झालेल्या महिलेने वापरले अपशब्द, पोलिसांनी ट्विट करत दिले असे उत्तर).
हवामान खात्याने वर्तवलेल्या अंदाजानुसार, आज पूर्व मध्य अरबी समुद्रात वादळी वाऱ्याचा वेग ताशी 180–190 किमी वर पोचण्याची शक्यता असून हा वेग ताशी 210 किमी वर जाण्याची शक्यता महाराष्ट्राच्या किनारपट्टीवर 17 मे रोजी ताशी 80–90 किमी वेगाने वारे वाहणार असून हा वेग ताशी 100 किमी वर जाण्याची शक्यता त्यानंतर हा वेग मंदावेल. पण या वार्यासोबत पाऊस देखील बरसत असल्याने आज अनेक सखल भागांमध्ये पाणी साचल्याचेही पहायला मिळालं आहे.
(The above story first appeared on LatestLY on May 17, 2021 03:30 PM IST. For more news and updates on politics, world, sports, entertainment and lifestyle, log on to our website latestly.com).
