CM Eknath Shinde: आम्हाला 50 आमदार आणि दोन तृतीयांश खासदारांचा पाठिंबा, निवडणूक आयोगासमोर आमची बाजू मांडणार - मुख्यमंत्री एकनाथ शिंदे
शिवसेनेकडे बहुमतासाठी पुरेसे सदस्य आहेत हे सिद्ध करण्यासाठी निवडणूक आयोगाने उद्धव ठाकरे आणि एकनाथ शिंदे या दोघांना कागदोपत्री पुरावे सादर करण्यास सांगितले आहे. दोन्ही गटांना आता 8 ऑगस्टला उत्तर द्यायचे आहे.
मुख्यमंत्री एकनाथ शिंदे (CM Eknath Shinde) आणि उद्धव ठाकरे (Uddhav Thackeray) यांच्यात पक्षावरील हक्काची लढाई सुरू आहे. यासंदर्भात निवडणूक आयोगाने (ECI) आम्हाला पत्र लिहिले असून आम्ही आमची बाजू निवडणूक आयोगासमोर मांडणार असल्याचे मुख्यमंत्री एकनाथ शिंदे यांनी आज सांगितले. आम्हीच खरी शिवसेना आहोत. लोकसभेत आमचे 50 आमदार आणि पक्षाचे दोन तृतीयांश खासदार आमच्यासोबत आहेत. शिवसेनेकडे बहुमतासाठी पुरेसे सदस्य आहेत हे सिद्ध करण्यासाठी निवडणूक आयोगाने उद्धव ठाकरे आणि एकनाथ शिंदे या दोघांना कागदोपत्री पुरावे सादर करण्यास सांगितले आहे. दोन्ही गटांना आता 8 ऑगस्टला उत्तर द्यायचे आहे. शिवसेनेच्या शिंदे गटाने निवडणूक आयोगाला पत्र लिहून पक्षाचे ‘धनुष्यबाण’ निवडणूक चिन्ह देण्याची विनंती केली होती. शिंदे गटाने यासाठी लोकसभा आणि महाराष्ट्र विधानसभेत मिळालेल्या मान्यतेचा हवाला दिला होता.
प्रत्यक्षात पक्षातून बंडखोरी करून भाजपसोबत सरकार स्थापन केल्यानंतर शिंदे गटाने शिवसेनेवर दावा मांडण्यास सुरुवात केली. दुसरीकडे, उद्धव ठाकरे आणि त्यांचे सहकारी ते फेटाळत आहेत. याप्रश्नी शिंदे गट निवडणूक आयोगाकडे गेले होता. त्याचवेळी पक्षाच्या लोकसभेत उपस्थित असलेल्या 19 पैकी 12 खासदारांचा प्रवास शिंदे गोटात झाला आहे. त्यांनी सभागृहनेते विनायक राऊत यांच्यावर अविश्वास व्यक्त करत राहुल शेवाळे यांना नेते म्हणून घोषित केले होते. (हे देखील वाचा: Sharad Pawar on Babasaheb Purandare: बाबासाहेब पुरंदरे यांच्यावर शरद पवार यांचे परखड भाष्य; रामदास स्वामी आणि दादोजी कोंडदेव यांच्याबाबतही प्रश्नचिन्ह)
लोकसभेत त्यांना वेगळ्या गटाची मान्यताही सभापतींनी दिली आहे. त्यांचा पक्षाचा नवा व्हिप प्रमुखही नियुक्त होणार आहे. याचाच अर्थ ठाकरे कुटुंबीयांच्या हातातून शिवसेनेची कमान निसटू शकते कारण पक्षाचे नाव आणि चिन्ह शिंदे गटाकडे जाऊ शकते. गेल्या महिन्यात महाराष्ट्रात राजकीय संकट असताना एकनाथ शिंदे आणि त्यांच्या मित्रपक्षांनी उद्धव ठाकरे सरकारपासून फारकत घेतली आणि भाजपसोबत आघाडी करून सरकार स्थापन केले.
(The above story first appeared on LatestLY on Jul 23, 2022 05:50 PM IST. For more news and updates on politics, world, sports, entertainment and lifestyle, log on to our website latestly.com).
