महाराष्ट्रातही चालणार बुलडोझर! Navneet Rana यांच्यावर Uddhav Thackeray योगी स्टाईलमध्ये करणार कारवाई; बेकायदा बांधकामांच्या चौकशीसाठी बजावली नोटीस
बीएमसीचे अधिकारी 4 मे रोजी किंवा त्यानंतर नवनीत राणा यांच्या फ्लॅटची तपासणी करतील, असे या नोटीसमध्ये म्हटले आहे. या फ्लॅटचे काम बेकायदा असल्याच्या चर्चा सध्या सुरू आहेत. तपासणीत अवैध बांधकाम आढळून आल्यास ते पाडण्यात येणार आहे.
राजद्रोहाचा खटला सुरू असलेल्या अमरावतीच्या खासदार नवनीत राणा आणि त्यांचे आमदार पती रवी राणा यांच्या अडचणी कमी होत नाहीत. ते आधीच तुरुंगात आहे. आता बृहन्मुंबई महानगरपालिकेने (BMC) त्यांना कथित बेकायदा बांधकामासंदर्भात नोटीस बजावली आहे. बीएमसीचे अधिकारी 4 मे रोजी किंवा त्यानंतर नवनीत राणा यांच्या फ्लॅटची तपासणी करतील, असे या नोटीसमध्ये म्हटले आहे. या फ्लॅटचे काम बेकायदा असल्याच्या चर्चा सध्या सुरू आहेत. तपासणीत अवैध बांधकाम आढळून आल्यास ते पाडण्यात येणार आहे.
नवनीत राणा आणि रवी राणा यांना 23 एप्रिल रोजी मुंबई पोलिसांनी अटक केली होती. महाराष्ट्राचे मुख्यमंत्री उद्धव ठाकरे यांच्या निवासस्थानी असलेल्या मातोश्रीबाहेर हनुमान चालीसा पठणावरून झालेल्या वादातून दोघांना अटक करण्यात आली. तेव्हापासून राणा दाम्पत्य न्यायालयीन कोठडीत असून उच्च न्यायालयाने त्यांचा जामीन अर्ज फेटाळला आहे. (हेही वाचा - Hanuman Chalisa Row: राणा दाम्पत्य 4 मेपर्यंत राहणार तुरूंगात, मुंबई सत्र न्यायालयात बुधवारी होणार सुनावणी)
राणा दाम्पत्याच्या जामीन अर्जावरही सोमवारी सुनावणी झाली, मात्र निर्णय झाला नाही. आता बुधवारी जामीन अर्जावर निर्णय अपेक्षित आहे. कोर्टात इतर प्रकरणांची सुनावणी सुरू झाली आणि त्यानंतर वेळेच्या कमतरतेमुळे सोमवारी निर्णय होऊ शकला नाही. राणा दाम्पत्याविरुद्ध आयपीसीच्या कलम 15ए, 353 आणि मुंबई पोलिस कायद्याच्या कलम 135 अन्वये एफआयआर दाखल करण्यात आला आहे. याशिवाय राणा दाम्पत्यावर 124A म्हणजेच देशद्रोहाचे कलमही लावण्यात आले आहे.
खासदार नवनीत राणा यांचे वकील रिझवान मर्चंट यांनी दावा केला आहे की, त्यांच्या अशिलाला तुरुंगात योग्य वागणूक मिळत नाही. रिजवान मर्चंट यांनी भायखळा कारागृह अधीक्षकांना पत्र लिहिले आहे. त्यात त्यांनी नवनीत राणा यांना स्पॉन्डिलोसिसचा त्रास असून, त्यांना सीटी स्कॅनची सुविधा दिली जात नसल्याचे सांगितले. त्यांनी लिहिले की, बराच वेळ नवनीत राणा यांना जमिनीवर बसून झोपण्यास भाग पाडले गेले. अशा स्थितीत स्पॉन्डिलोसिसमुळे त्यांच्या वेदना वाढल्या आहेत.
(The above story first appeared on LatestLY on May 03, 2022 06:05 PM IST. For more news and updates on politics, world, sports, entertainment and lifestyle, log on to our website latestly.com).
