महालक्ष्मी रेसकोर्सजवळ भरधाव मर्सिडीज चालकाने पादचा-याला चिरडले, पादचा-याचा जागीच मृत्यू
महालक्ष्मी रेसकोर्सजवळ भाजी विकत घेण्यासाठी चाललेल्या एका पादचा-याला भरधाव वेगाने येणा-या मर्सिडीजने धडक दिली. ह्या धडकेत त्या पादचा-याचा जागीच मृत्यू झाला
मुंबईतील महालक्ष्मी रेसकोर्सजवळ (Mahalaxmi Racecourse) सोमवारी रात्री एक भीषण अपघात झाला. ह्या अपघातात भाजी विकत घेण्यासाठी चाललेल्या एका पादचा-याला भरधाव वेगाने येणा-या मर्सिडीजने धडक दिली. ह्या धडकेत त्या पादचा-याचा जागीच मृत्यू झाला. पोलिसांनी याप्रकरणी मर्सिडीज चालक चैतन्य अदानीला (Chaitanya Adani) अटक केली आहे. हा कारचालक हिरे व्यापारीचा मुलगा असल्याचे वृत्त एबीपी माझा ने दिले आहे.
Maharashtra: A speeding car ran over a pedestrian near Mahalaxmi railway station in Mumbai, last night. The driver of the car has been arrested. pic.twitter.com/DwJwgdorxl
— ANI (@ANI) June 4, 2019
हाजी अली रोडवरील सिग्नल सुटल्यानंतर चैतन्यची मर्सिडीज दुसऱ्या कारला ओव्हरटेक करुन महालक्ष्मी स्टेशनच्या दिशेने जात होती. त्यावेळी चैतन्य अदानीचे स्टेअरिंगवरील नियंत्रण सुटले व त्यांनी रस्त्यावरुन चालत असलेल्या राजेंद्र कुमार यांना चिरडलं.
हा अपघात इतका भीषण होता की, चैतन्यची मर्सिडीज महालक्ष्मी रेसकोर्सची संरक्षण भिंत तोंडून आत शिरली. ताडदेव पोलिसांनी चैतन्यला अटक केली असून त्याला आज कोर्टात हजर करण्यात येईल .
(The above story first appeared on LatestLY on Jun 04, 2019 08:46 AM IST. For more news and updates on politics, world, sports, entertainment and lifestyle, log on to our website latestly.com).
