Republic Day 2025: मुंबईकर Vikas Pandit यांना Rooftop Solar System घेतल्याच्या सन्मानार्थ दिल्लीत Republic Day Parade मध्ये Special Guest म्हणून निमंत्रण

मुंबईच्या बोरीवलीचे रहिवासी विकास शरदचंद्र पंडीत यांना नवी दिल्लीत कर्तव्यपथावर प्रजासत्ताक दिना निमित्त होत असलेल्या परेडचं आमंत्रण मिळालं आहे. देशभरातून खास आमंत्रित 800 जणांमध्ये पंडीत यांचा समावेश आहे. Ministry of New and Renewable Energy (MNRE) च्या पीएम सूर्य घर मोफत वीज योजना अंतर्गत त्यांनी 3 kW रूफटॉप सोलर सिस्टिम बसवल्याने त्यांना हा मान देण्यात आला आहे.

ऊर्जा स्वातंत्र्य आणि शून्य वीजबिल या दिशेने पंडित यांचा प्रवास अनुकरणीय आहे आणि त्यांची कहाणी अक्षय ऊर्जा उद्दिष्टांसाठी भारताच्या वचनबद्धतेचा पुरावा आहे. टाटा पॉवर मुंबई डिस्ट्रिब्युशनद्वारे जून 2024 मध्ये स्थापित केलेल्या त्यांच्या रूफटॉप सोलर सिस्टीमने त्यांना केवळ ऊर्जा स्वातंत्र्य प्राप्त करण्यास सक्षम केले नाही तर शून्य वीज बिल देखील सुनिश्चित केले आहे.

टाटा पॉवर मुंबई डिस्ट्रिब्युशनने संपूर्ण मुंबईत पीएम-सूर्य घर मुफ्त बिजली योजना कठोरपणे लागू केली आहे. 40 हून अधिक निवासी इमारती आणि गृहनिर्माण सोसायट्या या उपक्रमात आधीच सामील झाल्या आहेत, ज्यामुळे अंदाजे 24 मेगावॅटच्या एकत्रित छतावरील सौरऊर्जेची क्षमता वाढली आहे. Republic Day 2025: महाराष्ट्रात दिवसभर शाळा? रविवारची सुट्टी रद्द? राज्यघटना वाचन आणि विविध कार्यक्रमांसह प्रजासत्ताक दिन होणार साजरा? 

पंडित म्हणाले, "टाटा पॉवरने उपलब्ध केलेली माझी 2.7 किलोवॅट रुफटॉप सोलर सिस्टीम माझ्या कुटुंबासाठी अत्यंत फायदेशीर ठरली आहे. केवळ सहा महिन्यांत, यामुळे आमच्यासाठी ₹24,000 ची बचत झाली आहे आणि दररोज सुमारे 25 युनिट्स स्वच्छ ऊर्जा निर्माण केली आहे. मी टाटा पॉवरचा आभारी आहे. आणि माझ्या प्रयत्नांना मान्यता दिल्याबद्दल आणि आम्हाला प्रजासत्ताक दिनाच्या सोहळ्यासाठी आमंत्रित केल्याबद्दल MNRE चे आभार" अशी प्रतिक्रिया त्यांनी FPJ सोबत बोलताना दिली आहे.

(The above story first appeared on LatestLY on Jan 25, 2025 09:53 AM IST. For more news and updates on politics, world, sports, entertainment and lifestyle, log on to our website latestly.com).