Mumbai Shocker: सहकाऱ्याच्या अल्पवयीन मुलीवर सामूहिक बलात्कार; तटरक्षक दलाच्या दोन कर्मचाऱ्यांना अटक
एका पोलीस अधिकाऱ्याने माहिती दिली आहे. ही घटना गेल्या वर्षी 17 ऑक्टोबर रोजी शहराच्या उत्तर उपनगरातील आरोपीच्या घरात घडली होती. ही मुलगी दहावीची विद्यार्थिनी आहे, तर आरोपी तटरक्षक कर्मचारी 30 आणि 23 वर्षांचे आहेत.
Mumbai Shocker: मुंबईतून अत्यंत धक्कादायक प्रकार समोर येत आहे. भारतीय तटरक्षक दलाच्या दोन कर्मचाऱ्यांना (Coast Guard Employees) मुंबईत त्यांच्या सहकाऱ्याच्या 15 वर्षांच्या मुलीवर बलात्कार (Rape) केल्याप्रकरणी अटक (Arrest) करण्यात आली आहे. यासंदर्भात, एका पोलीस अधिकाऱ्याने माहिती दिली आहे. ही घटना गेल्या वर्षी 17 ऑक्टोबर रोजी शहराच्या उत्तर उपनगरातील आरोपीच्या घरात घडली होती. ही मुलगी दहावीची विद्यार्थिनी आहे, तर आरोपी तटरक्षक कर्मचारी 30 आणि 23 वर्षांचे आहेत.
प्राप्त माहितीनुसार, लैंगिक अत्याचाराच्या दिवशी किशोरी तिच्या कोचिंग क्लासमधून परतली होती. पीडित मुलगी त्या दिवशी तिच्या घरी एकटी होती. कारण तिची आई, लहान बहीण आणि भाऊ एका कार्यक्रमात सहभागी होण्यासाठी गेले होते. तसेच पीडितेचे वडील नाईट ड्युटीवर होते. त्याच घराच्या आवारात राहणाऱ्या 30 वर्षीय आरोपीने तिचा दरवाजा ठोठावला. आरोपीने किशोरीला सांगितले की, त्याच्या पत्नीने तिला काही कामासाठी त्यांच्या घरी बोलावले आहे. दोन्ही कुटुंबे एकमेकांना चांगल्या प्रकारे ओळखत असल्याने अल्पवयीन मुलाला काहीही संशयास्पद आढळले नाही. (हेही वाचा -Pimpri Chinchwad Crime: पिंपरी चिंचवडमध्ये बॉयफ्रेंडच्या मदतीनं पत्नीनं केली पतीची हत्या, आरोपीला अटक)
मुलगी जेव्हा आरोपीच्या फ्लॅटमध्ये गेली तेव्हा आधीच आत थांबलेल्या दुसऱ्या व्यक्तीने तिला ओढत बेडरूममध्ये नेले. त्यानंतर या दोघांनी मुलीवर बलात्कार केला. नंतर, दोघांनी अल्पवयीन मुलीला आणि तिच्या वडिलांना लैंगिक अत्याचाराची माहिती कोणाला सांगितल्यास जिवे मारण्याची धमकी दिली. हा आघात सहन न झाल्याने मुलगी नैराश्यात गेली आणि तिला वैद्यकीय सेवेची आवश्यकता होती. डिसेंबर 2023 मध्ये, तिच्यावर लैंगिक अत्याचार झाल्यानंतर दोन महिन्यांहून अधिक कालावधीनंतर, तिने तिच्या आईला घडलेल्या प्रकाराची माहिती सांगितली. (हेही वाचा - Mumbai Crime: गुरु शिष्याच्या नात्याला काळीमा फासणारी घटना; अल्पवयीन विद्यार्थिनीचा छळ केल्याप्रकरणी शिक्षकाला अटक)
मुलीच्या आईने तिच्या पतीला याची माहिती दिली. त्यांनी भारतीय तटरक्षक दलाकडे अंतर्गत तक्रार दाखल केली. 8 मार्च रोजी, मुलीने वरिष्ठ तटरक्षक अधिकाऱ्यांना पत्र लिहिले, ज्यांनी तिला पोलिस तक्रार दाखल करण्यास मदत केली. ज्यानंतर दोन आरोपींना अटक करण्यात आली. या दोघांवर भारतीय दंड संहिता कलम 376 डीए आणि लैंगिक गुन्ह्यांपासून मुलांचे संरक्षण (पॉक्सो) कायद्यांतर्गत सोळा वर्षांखालील महिलेवर सामूहिक बलात्काराचा गुन्हा दाखल करण्यात आला आहे. दोघांनाही पोलिस कोठडी सुनावण्यात आली आहे.
(The above story first appeared on LatestLY on Mar 15, 2024 03:57 PM IST. For more news and updates on politics, world, sports, entertainment and lifestyle, log on to our website latestly.com).
