Maharashtra Assembly Speaker Polls: भाजपाच्या Rahul Narwekar यांची विधानसभा अध्यक्षपदी निवड
राहुल नार्वेकर हे महाराष्ट्र विधानसभेचे अध्यक्ष रामराजे नाईक निंबाळकर यांचे जावई आहेत. अशा स्थितीत महाराष्ट्र विधिमंडळाच्या इतिहासात प्रथमच महाराष्ट्र विधिमंडळ, विधानपरिषद आणि विधानसभेची दोन्ही सभागृहे चालवण्याची जबाबदारी सासरे- जावई यांच्यावर येणार हा योगायोग ठरत आहे.
महाराष्ट्रात सत्तांतर झाल्यानंतर आजपासून विशेष विधिमंडळ अधिवेशन सुरू झाले आहे. विधानसभेचे उपाध्यक्ष नरहरी झिरवाळ यांनी कामकाजाला सुरुवात केली. आज पहिल्याच दिवशी नव्या सरकारच्या निवडीनंतर विधानसभा अध्यक्षांची निवड करण्यात आली आहे. यामध्ये भाजपाच्या राहुल नार्वेकर (Rahul Narwekar) यांची निवड झाली आहे. विधानसभा अध्यक्षपदाच्या निवडणूकीमध्ये महाविकास आघाडी कडून राजन साळवी आणि भाजपाच्या राहुल नार्वेकर यांच्यामध्ये ही निवडणूक होती. विधानसभेच्या कामाला सुरूवात झाल्यानंतर शिरगणतीने मतमोजणी करण्यात आली. यामध्ये भाजपाच्या राहुल नार्वेकर यांची निवड झाली आहे. राहुल नार्वेकर यांना 164 मतं मिळाली आहेत. एकनाथ शिंदे गटातील आमदारांनी राहुल नार्वेकर यांच्याबाजूने मतदान केले आहे. मनसेच्या राजू पाटील यांनी देखील राहुल नार्वेकर यांना मतदान केले. राहुल नार्वेकर हे महाराष्ट्रातील आणि देशातील देखील सर्वात तरूण विधानसभा अध्यक्ष ठरले आहेत.
Rahul Narvekar of BJP elected Maharashtra Assembly Speaker
— Press Trust of India (@PTI_News) July 3, 2022
#WATCH | BJP MLA Rahul Narwekar takes charge as the Speaker of Maharashtra Assembly amid chants of "Jai Bhavani, Jai Shivaji", "Jai Sri Ram", "Bharat Mata ki Jai" and "Vande Mataram".
(Source: Maharashtra Assembly) pic.twitter.com/oQ1qn2wdcp
— ANI (@ANI) July 3, 2022
भाजप आमदार राहुल नार्वेकर भाजपा मध्ये येण्यापूर्वी शिवसेना आणि राष्ट्रवादी मध्ये होते. सध्या ते मुंबईतील कुलाबा विधानसभा मतदारसंघाचे आमदार आहेत. नार्वेकर हे राष्ट्रवादीचे ज्येष्ठ नेते रामराजे नाईक निंबाळकर यांचे जावई आहेत. नाईक हे सध्या महाराष्ट्र विधान परिषदेचे विद्यमान सभापती आहेत. 2019 च्या महाराष्ट्र विधानसभा निवडणुकीपूर्वी राहुल नार्वेकर यांनी भाजपमध्ये प्रवेश केला होता. कुलाब्यातून त्यांनी काँग्रेसचे अशोक जगताप यांचा पराभव करून विधानसभा निवडणूक जिंकली आहे.
राहुल नार्वेकर हे महाराष्ट्र विधानसभेचे अध्यक्ष रामराजे नाईक निंबाळकर यांचे जावई आहेत. अशा स्थितीत महाराष्ट्र विधिमंडळाच्या इतिहासात प्रथमच महाराष्ट्र विधिमंडळ, विधानपरिषद आणि विधानसभेची दोन्ही सभागृहे चालवण्याची जबाबदारी सासरे- जावई यांच्यावर येणार हा योगायोग ठरत आहे. पण रामराजे निंबाळकर हे राष्ट्रवादीचे नेते आहेत आणि राहुल नार्वेकर हे राष्ट्रवादीतून शिवसेनेतून भाजपमध्ये दाखल झाले आहेत.
(The above story first appeared on LatestLY on Jul 03, 2022 11:45 AM IST. For more news and updates on politics, world, sports, entertainment and lifestyle, log on to our website latestly.com).
