Neelkamal Boat Accident in Mumbai: गेटवे जवळील बोट दुर्घटनेत 13 जण मृत; मृतांच्या कुटुंबियांना 5 लाखांची मदत जाहीर- CM Devendra Fadnavis
नौदलाच्या बोटीवरच्या चालकाचं नियंत्रण सुटल्यानं अतिशय वेगात असलेली ही बोट प्रवासी बोटीला धडकली असल्याचे मुख्यमंत्री फडणवीसांनी सांगितलं आहे.
मुंबई मध्ये समुद्रात आज एक भीषण बोट अपघात झाला आहे. नीलकमल (Neelkamal Boat) या एलिफंटा कडे जाणार्या बोटीला नेव्हीच्या (Navy) बोटीची धडक बसल्याने अपघात झाल्याचं समोर आलं आहे. या अपघातानंतर समुद्रात असलेल्या काही बोटी आणि नेव्हीच्या मदतीने प्रवाशांना तातडीने मदत करण्यात आली. दरम्यान या अपघाताची मुख्यमंत्री देवेंद्र फडणवीस (CM Devendra Fadnavis) यांनी देखील नागपूर मधून माहिती दिली आहे. त्यांच्या माहितीनुसार, आपघातानंतर 101 जणांची सुटका करण्यात आली असून सुमारे 13 जणांचा यामध्ये मृत्यू झाला आहे. हा अपघात आज (18 डिसेंबर) दुपारी 4 च्या सुमारास झाला आहे. अजूनही शोधकार्य सुरू असून उद्या सकाळ पर्यंत त्यांचे पुढील अपडेट्स मिळणार आहेत.
कसा झाला नीलकमल बोटीचा अपघात
प्रवासी बोटीला नेव्हीच्या बोटीची धडक बसली आहे. नेव्हीच्या बोटीला नवं इंजिन लावण्यात आलं होतं. त्यानंतर समुद्रात त्याचं ट्रायल घेत असताना बिघाड होऊन नौदलाच्या बोटीवरच्या चालकाचं नियंत्रण सुटल्यानं अतिशय वेगात असलेली ही बोट नीलकमल च्या प्रवासी बोटीला धडक दिली आहे. सध्या या अपघाताचा व्हिडिओ सोशल मीडीयात वायरल झाला आहे.
स्पीड बोटची धडक
A boat going from Gateway of India to Elephanta in Mumbai was hit by a high speed patrolling boat of the .
110 people have been rescued in the accident, out of which 13 have died while many are seriously injured. #mumbai #MumbaiBoatAccident #Maharastra #gatewayofindia pic.twitter.com/P9EfKvpZT3
— Ravi Pandey🇮🇳 (@ravipandey2643) December 18, 2024
मुख्यमंत्री देवेंद्र फडणवीस यांनी मृतांच्या कुटुंबाला प्रत्येकी 5 लाख रूपयांची मदत जाहीर केली आहे. 13 मृतांमध्ये 10 नागरिक आणि 3 नौदलाचे कर्मचारी आहेत. गंभीर जखमी झालेल्या दोघांना नौदलाच्या रुग्णालयात दाखल करण्यात आले आहे. 11 क्राफ्ट आणि 4 हेलिकॉप्टरचा वापर करून नौदल, तटरक्षक दल आणि पोलिसांनी बचावकार्य केले आहे. या घटनेची नौदल आणि राज्य सरकारमार्फत चौकशी केली जाईल. असेही मुख्यमंत्र्यांनी म्हटलं आहे.
(The above story first appeared on LatestLY on Dec 18, 2024 08:48 PM IST. For more news and updates on politics, world, sports, entertainment and lifestyle, log on to our website latestly.com).
