Crime: मुंबईत समलिंगी व्यक्तीचा छळ करणार्या व्यक्तीची हत्या, दोघांना अटक
अटक करण्यात आलेल्या आरोपींपैकी एक समलैंगिक (Gay) असल्याने हा हल्ला मृत व्यक्तीकडून सतत छळ आणि खंडणीचा (Extortion) परिणाम असल्याचे पोलिसांनी सांगितले. मयत व्यक्तीने त्याच्यासोबत शारीरिक संबंध असल्याचा व्हिडिओ शूट केला होता, ज्यावर तो सतत धमकावत त्याच्याकडे पैशांची मागणी करत असे.
एका पुरुषाचा चाकूने वार करून खून (Murder) करून महिलेला गंभीर जखमी केल्याप्रकरणी माहीम पोलिसांनी (Mahim Police) शुक्रवारी दोघांना अटक (Arrest) केली आहे. अटक करण्यात आलेल्या आरोपींपैकी एक समलैंगिक (Gay) असल्याने हा हल्ला मृत व्यक्तीकडून सतत छळ आणि खंडणीचा (Extortion) परिणाम असल्याचे पोलिसांनी सांगितले. मयत व्यक्तीने त्याच्यासोबत शारीरिक संबंध असल्याचा व्हिडिओ शूट केला होता, ज्यावर तो सतत धमकावत त्याच्याकडे पैशांची मागणी करत असे. पोलीस अधिकाऱ्यांनी दिलेल्या माहितीनुसार, बुधवारी पहाटे माहीम चौपाटीवर (Mahim Chowpatty) ही घटना घडली.
मोहम्मद वसीम शेख असे मृताचे नाव असून कामरान उर्फ कममू आणि बाळकृष्ण अशी अटक करण्यात आलेल्या दोघांची नावे असून ते गोवंडीतील शिवाजी नगर येथील रहिवासी आहेत. ते दोघे एकत्र माहीम दर्ग्यावर गेले होते. हल्ल्यात जखमी झालेली महिला ही 19 वर्षांची आहे. त्यानंतर, त्यांनी चौपाटीवर जाण्याचा निर्णय घेतला. ते तिथे बसले असताना शेख आणि कम्मूने वाद घालण्यास सुरुवात केली, एका अधिकाऱ्याने सांगितले. पोलिसांनी सांगितले की कम्मू हा समलैंगिक आहे, तो यापूर्वी शारीरिक कृत्य करताना पकडला गेला होता आणि शेखने त्याचा व्हिडिओ शूट केला होता.
तो व्हिडीओ फिरवण्याची धमकी देऊन शेख त्याच्याकडे दोन महिन्यांपासून सतत पैशांची मागणी करत होता. बुधवारी पहाटे ते चौपाटीवर असताना त्यांच्यात वाद झाला आणि त्यानंतर कम्मू आणि बाळकृष्ण यांनी शेखचा भोसकून खून केला. महिलेने हस्तक्षेप करून हल्ला थांबवण्याचा प्रयत्न केला असता तिलाही चाकूने वार करण्यात आले, असे पोलिसांनी सांगितले. शेखचा जागीच मृत्यू झाला, तर महिला वाचली. तिला टॅक्सीमधून भाभा रुग्णालयात दाखल केले. हेही वाचा BJP On BMC Budget: बीएमसीचा अर्थसंकल्प महामंडळाला दिवाळखोरीकडे नेणारा, भाजप नेते प्रभाकर शिंदेंची प्रतिक्रिया
तिच्या मानेवर आणि शरीराच्या इतर भागावर जखमा असल्याने भाभा रुग्णालयातील अधिकाऱ्यांनी तिची चौकशी केली. एका पोलिस पथकाला माहिती देण्यात आली ज्यांनी घटनास्थळी जाऊन शेखचा मृतदेह ताब्यात घेतला, एका अधिकाऱ्याने सांगितले. धोक्याबाहेर असलेल्या महिलेला नंतर सायन रुग्णालयात हलवण्यात आले.अटक केलेल्या दोन आरोपींवर भारतीय दंड संहितेच्या कलम 302 (हत्या), 307 (हत्येचा प्रयत्न) आणि 34 (सामान्य हेतू) अंतर्गत गुन्हा दाखल करण्यात आला आहे. त्यांना दुपारी न्यायालयात हजर करण्यात येणार आहे.
(The above story first appeared on LatestLY on Feb 04, 2022 06:26 PM IST. For more news and updates on politics, world, sports, entertainment and lifestyle, log on to our website latestly.com).
