Mumbai Local Update: मुंबई लोकल चा हार्बर मार्गावरील मेगाब्लॉक महाराष्ट्र भूषण पुरस्कार सोहळ्याच्या पार्श्वभूमीवर रद्द; मध्य रेल्वेवर मात्र ब्लॉक कायम
16 एप्रिलच्या रविवारी महाराष्ट्र भूषण पुरस्कार सोहळ्याच्या पार्श्वभूमीवर हार्बर मार्गावरील मेगाब्लॉक रद्द करण्यात आला आहे.
मुंबई लोकलच्या (Mumbai Local) दुरूस्ती आणि देखभालीच्या कामांसाठी रविवारी टप्प्याटप्प्याने तिन्ही मार्गांवर मेगाब्लॉक घेतला जातो. 16 एप्रिलच्या रविवारी महाराष्ट्र भूषण पुरस्कार सोहळ्याच्या पार्श्वभूमीवर हार्बर मार्गावरील मेगाब्लॉक रद्द करण्यात आला आहे. हार्बर मार्गावरील ब्लॉक रद्द केला असला तरीही मेन लाईन वरील माटुंगा- मुलूंड जलद मार्गावर ब्लॉक असणार आहे. त्यामध्ये बदल करण्यात आलेला नाही. सांस्कृतिक मंत्री सुधीर मुनगंटीवार (Minister Sudhir Mungantiwar) यांनी मध्य रेल्वेच्या विभागीय व्यवस्थापकांशी चर्चा केल्यानंतर हार्बर मार्गावरचा मेगा ब्लॉक रद्द करण्यात आला आहे.
डॉ.अप्पासाहेब धर्माधिकारी (Appasaheb Dharmadhikari) यांचा महाराष्ट्र भूषण (Maharashtra Bhushan) पुरस्कार प्रदान केला जाणार आहे. केंद्रीय गृहमंत्री अमित शाह यांच्या हस्ते त्यांना तो प्रदान केला जाईल. या कार्यक्रमासाठी अनेकजण खारघरला येणार आहेत. त्यांची गैरसोय होऊ नये म्हणून हा ब्लॉक रद्द करण्यात आला आहे. नक्की वाचा: Maharashtra Bhushan Award: नवी मुंबई येथे महाराष्ट्र भूषण पुरस्काराचे आयोजन; कार्यक्रमानिमित्त 15 व 16 एप्रिल रोजी वाहतुकीत बदल, घ्या जाणून .
रविवार दि. 16.04.'23 ला हार्बर मार्गावर मेगा ब्लॉक असणार नाही.
मात्र,मेनलाईन वर माटुंगा-मुलुंड जलद मार्गावर अगोदर जाहीर केल्या प्रमाणे मेगा ब्लॉक राहील
No Mega Block on Harbor line on 16.04.'23
Main line block b/w Matunga-Mulund fast line will be operated as per it's schedule.
— Shivaji M Sutar (@ShivajiIRTS) April 14, 2023
मुंबई लोकल मेगाब्लॉक अपडेट
पश्चिम रेल्वेवर वसई यार्डमध्ये रात्रकालीन ब्लॉक घेण्यात आला आहे. शुक्रवारी मध्यरात्री १२ ते शनिवारी पहाटे ३.३०पर्यंत ब्लॉक घेऊन काम करण्यात आल्याने आता रविवारी (16 एप्रिलला) दिवसा पश्चिम रेल्वेवर ब्लॉक नसेल. मध्य रेल्वे मार्गावर माटुंगा ते मुलुंड दरम्यान अप आणि डाऊन मार्गावर सकाळी 11 वाजून 5 मिनिटं ते 3 वाजून 5 मिनिटं या वेळेत ब्लॉक असणार आहे. ब्लॉक वेळेत जलद मार्गावरील लोकल फेऱ्या धीम्या मार्गावर चालवल्या जातील. यामुळे काही लोकल फेऱ्या रद्द केल्या जातील तर काही उशिराने धावतील.
आता महाराष्ट्र भूषण कार्यक्रमासाठी येणाऱ्या नागरिकांना हार्बर रेल्वेने सुरळीत प्रवास करता येईल. सांस्कृतिक कार्यमंत्री सुधीर मुनगंटीवार यांनी या सहकार्याबद्दल मध्य रेल्वेचे आभार मानले आहेत.
(The above story first appeared on LatestLY on Apr 15, 2023 10:33 AM IST. For more news and updates on politics, world, sports, entertainment and lifestyle, log on to our website latestly.com).
