Mumbai Local Update: मुंबई लोकल ट्रेन आजपासून १००% आसनक्षमतेने धावणार
जवळपास 19 महिन्यांच्या विश्रांतीनंतर, गुरुवारपासून मुंबई लोकल ट्रेन सेवा महामारीपूर्व पातळीच्या 100 टक्के आसन क्षमतेवर धावणार आहे.
मंबईची लाईफ लाईन ओळखली जाणारी मुंबई लोकल (Mumbai Local) सेवा कोविड-19 साथीच्या आजाराच्या पार्श्वभूमीवर 22 मार्च 2020 पासून बंद करण्यात आली होती, जवळपास 19 महिन्यांच्या विश्रांतीनंतर, गुरुवारपासून मुंबई लोकल ट्रेन सेवा महामारीपूर्व पातळीच्या 100 टक्के आसन क्षमतेवर चालणार आहे.
मध्य रेल्वे आणि पश्चिम रेल्वे मुंबईची जीवनवाहिनी मानल्या जाणाऱ्या उपनगरीय सेवा 95 टक्के आसनक्षमतेसह चालवत होत्या. पण सामान्य लोकांसाठी प्रवासात निर्बध होते. त्यामुळे लोकल ट्रेन पूर्ण क्षमतेने पुन्हा सुरू करण्याचा निर्णय लोकलची वाढती संख्या लक्षात घेऊन घेण्यात आला. ( हे ही वाचा Mumbai Local Update: मुंबई लोकल ट्रेन्स लवकरच पूर्ण क्षमतेने धावणार.)
मध्य रेल्वेचे मुख्य जनसंपर्क अधिकारी शिवाजी सुतार यांनी पीटीआयला बोलताना सांगितले की, लोकल गाड्यांमधील प्रवाशांचा वाढती गर्दी लक्षात घेऊन हा निर्णय घेण्यात आला आहे.
“मध्य रेल्वे आणि पश्चिम रेल्वे 28 ऑक्टोबरपासून त्यांच्या उपनगरीय नेटवर्कवर अनुक्रमे 1,774 आणि 1,367 सेवा चालवतील. कोविड-19 साथीच्या रोगाचा उद्रेक होण्यापूर्वी क्षेत्रीय रेल्वे या अनेक सेवा चालवत होत्या,” असे निवेदनात म्हटले आहे.
"राज्य सरकारने परवानगी दिलेल्या आणि रेल्वे मंत्रालयाने मंजूर केलेल्या प्रवाशांच्या श्रेणींमध्ये ऑगस्ट 2021 मध्ये आणि अलिकडच्या आठवड्यात उपनगरीय गाड्यांमध्ये प्रवास करण्यासाठी वाढविण्यात आली," असे त्यात म्हटले आहे.
सध्या, फक्त सरकारी कर्मचारी आणि अत्यावश्यक सेवांमध्ये काम करणाऱ्यांना उपनगरीय लोकलमधून प्रवास करण्याची परवानगी आहे, पूर्ण लसीकरण झालेल्या नागरिकांव्यतिरिक्त, ज्यांनी दुसऱ्या डोसनंतर 14 दिवसांचा कालावधी पूर्ण केला आहे आणि ज्यांचे वय 18 वर्षांपेक्षा कमी आहे.
सध्या, मध्य रेल्वे आणि पश्चिम रेल्वे अनुक्रमे 1,702 आणि 1,304 उपनगरी सेवा चालवत आहेत, जे सामान्य कालावधीतील एकूण उपनगरी सेवांच्या 95.70 टक्के आहे.
(The above story first appeared on LatestLY on Oct 28, 2021 09:36 AM IST. For more news and updates on politics, world, sports, entertainment and lifestyle, log on to our website latestly.com).
