दादर मधील टिळक पूलाचे प्लास्टर कोसळल्याने नागरिकांच्या सुरक्षिततेचा प्रश्न उपस्थित
प्रतिकात्मक फोटो (Photo Credits-File Image)

गेल्या काही महिन्यांपूर्वी सीएसएमटी पूल दुर्घटनेनंतर मुंबईतील धोकादायक पूलांची दुरुस्ती करण्यात यावी असे सांगण्यात आले. त्यानंतर अद्याप त्यामधील क्वचितच पुलांचे काम नव्याने सुरु करण्यात आले आहे. मात्र दादर (Dadar) येथील टिळक पूल (Tilak Bridge) सुद्धा धोकादायक पूलांच्या यादी मध्ये असून त्याबाबत काम करण्यात आले नाही. बुधवारी दुपारच्या वेळेस या पूलाचे प्लास्टर कोसळून पडल्याचा प्रकार घडला. यामध्ये सुदैवाने कोणताही दुर्घटना झाली नाही. परंतु स्थानिकांमध्ये या प्रकारमुळे भीतीचे वातावरण निर्माण झाले आहे.

हिंदू कॉलनीजवळील पूलाचा भाग कोसळला गेला. त्यानंतर आता पुढील चार दिवसात या पुलाचे काम करण्यात येणार असल्याचे मुंबई महापालिकेकडून सांगण्यात आले आहे. दादर मधील हा सर्वात जुना पूल असून तो दादर पश्चिम आणि पूर्व दिशेला जोडला गेला आहे. या पुलाची स्थिती धोकादायक असून ही महापालिकेकडून त्याचे काम करण्यासाठी आता कंत्राटदाराची नेमणूक केली आहे.(वराती दरम्यान नाचताना पूल कोसळला, नवरदेवासह 15 जण नाल्यात)

 या पुलावरुन दररोज हजारो गाड्यांची ये-जा सुरु असते. अशा परिस्थितीत हा पुल धोकादायक असून ही नागरिकांच्या सुरक्षिततेचा प्रश्न उपस्थित केला जात आहे. तर टिळक पुलासह महालक्ष्मी पुल आणि अन्य आठ पुलांच्या दुरुस्ती कामांसाठी एकूण 17 कोटी रुपये खर्च होणार असल्याचा प्रस्ताव मंजूर करण्यात आला आहे. मात्र टिळक पुलाच्या दुरुस्तीसाठी पश्चिम रेल्वेकडून ना हकरत प्रमाणपत्र मिळणे आवश्यक असल्याचे पालिकेच्या अधिकाऱ्यांनी स्पष्ट केले आहे.

तर सीएसएमटी जवळील पादचारी पुल दुर्घटनेत 5 जणांचा मृत्यू तर 30 जण गंभीर जखमी झाले होते. मींना कामा रुग्णालयात उपचारासाठी दाखल करण्यात आले आहे. सीएसएमटी आणि कामा रुग्णालय  या दोन्ही ठिकाणांपासून अगदी नजदीक असलेला हा पादचारी पूल असल्याने या पूलावर पादचाऱ्यांची नेहमीच वर्दळ असते. दुर्घटना घडली तेव्हा कार्यालये सुटण्याची वेळ असल्याने या पूलावर पादचाऱ्यांची गर्दी होती, प्रत्यक्षदर्शींनी स्पष्ट केले होते.