Sanjay Raut, Sunil Raut यांना धमकी प्रकरणात बुचकळ्यात टाकणारा ट्वीस्ट; राऊतांची सुरक्षा वाढवण्यासाठी निकटवर्तीय मयुर शिंदे चा बनाव - पोलिसांची माहिती
मयुर शिंदे याचा भांडूप, मुलुंड भागात दबदबा आहे. तसेच त्याने काही महिन्यांपूर्वी शिवसेनेतून एनसीपी मध्ये पक्षप्रवेश केला होता.
मागील आठवड्यात शरद पवार यांच्या पाठोपाठ संजय राऊत (Sanjay Rraut) आणि सुनिल राऊत (Sunil Raut) यांना जीवे मारण्याची धमकी आल्याच्या वृत्ताने खळबळ माजली होती. आता या प्रकरणामध्ये बुचकळ्यात टाकणारा ट्वीस्ट आला आहे. दरम्यान राऊतांची सुरक्षा वाढवावी यासाठी हा बनाव रचल्याचा प्रकार समोर आला आहे. यामध्ये मयुर शिंदे (Mayur Shinde) या सुनील राऊतांचा निकटवर्तीयाला अटक झाली आहे. दरम्यान फोन वरून मयुरने स्वतः धमकी दिलेली नाही पण त्याच्या लोकांकडून हा फोन कॉल करण्यात आला होता असं सांगण्यात आलं आहे.
राऊत बंधूंची जीवे मारण्याच्या धमकी प्रकरणामध्ये पोलिसांनी आतापर्यंत 4 जणांना अटक केलेली आहे. मयुर शिंदे गेली काही वर्ष सुनील राऊत यांच्यासोबत काम करत आहे. मुलुंड, भांडुप, विक्रोळी परिसरात त्याचा दबदबा आहे. सध्या मयुर शिंदे एका वेगळ्या पक्षासाठी काम करत असल्याची माहिती पोलिसांनी दिली आहे.
धमकीचा बनाव रचण्यासाठी मयुर शिंदेचा वापर केल्याचं सांगत आता विरोधकांनीही राऊतांवर टीकेचे बाण सोडले आहे. अनेकांनी सोशल मीडीयातून आपलं मत मांडलं आहे.
पहा ट्वीट्स
संजय राऊत धमकी प्रकरणात मयूर शिंदे नामक व्यक्ती ला अटक केली आहे का ?आणि केली असेल तर त्यांनी कोणाच्या सांगण्यावरून धमकी दिली हे जनतेला समजलच पाहिजे.मुंबई पोलिसांनी हे जाहीर करावं
— Sandeep Deshpande (@SandeepDadarMNS) June 15, 2023
This is Mayur Shinde .. who is apparently been arrested by Mumbai police for giving death threats to Shree 420 n his brother Mini 420 !
The call recording that was played in the media was between Sunil Raut n his own Mayur Shinde !
Golmaal Gang ! pic.twitter.com/rZhGB02Ybn
— nitesh rane (@NiteshNRane) June 15, 2023
काही दिवसांपूर्वी संजय राऊत आणि सुनिल राऊत यांना धमकीचा कॉल आला. सुनिल राऊत यांनी हा फोन उचलला होता. त्यामध्ये राऊतांनी सकाळी 9 चा भोंगा (पत्रकार परिषदा) बंद केल्या नाहीत तर गोळ्या टाकून ठार मारू असा इशारा त्यामध्ये देण्यात आला होता. या फोन कॉल नंतर राऊत बंधूंनी पोलिसांत तक्रार केली. राज्य गृहमंत्र्यांनाही त्याची माहिती दिली होती. दरम्यान संजय राऊत हे खासदार आहेत आणि सुनील राऊत हे आमदार आहेत. सध्य दोघेही ठाकरे गटासोबत आहे.
(The above story first appeared on LatestLY on Jun 15, 2023 03:30 PM IST. For more news and updates on politics, world, sports, entertainment and lifestyle, log on to our website latestly.com).
